Për amerikanët, Monica Witt — sot rreth 40 vjeçe — jo vetëm që është vendosur në territor armik, por ka furnizuar edhe Pasdaranët me informacione sekrete mbi teknologjinë dhe taktikat ushtarake amerikane.
Kriza në Gjirin Persik ka sjellë sërish në vëmendje kërkimin për Monica Witt, ish-rreshtere e forcave ajrore amerikane që u arratis në Iran në vitin 2013. Federal Bureau of Investigation (FBI) ka ofruar një shpërblim prej 200 mijë dollarësh për informacione mbi një person që di shumë dhe ndodhet në qendër të një historie të pazakontë.
E lindur në El Paso, në shtetin e Texas, ajo veshi uniformën ushtarake në moshën 18-vjeçare dhe shërbeu në avionin e inteligjencës elektronike RC-135, një mjet tepër i sofistikuar që përdoret në zonat më të nxehta të konfliktit. Monica kreu misione në United Kingdom, Saudi Arabia, Diego Garcia, si edhe për një periudhë në Qatar dhe Iraq, pak para ofensivës kundër Saddam Hussein.
Ajo konsiderohej specialiste e aftë. Kishte studiuar gjuhë në California, ku mësoi shumë mirë gjuhën perse (farsi). Ish-kolegët e kujtojnë si tepër të zonjën dhe madje u dekorua edhe me medalje.
Në vitin 2008 vendosi të rikthehej në jetën civile dhe punoi për disa kompani të sektorit ushtarak, duke ndjekur projekte të rezervuara. Megjithatë, kthimi në jetën normale nuk ishte i lehtë. U regjistrua në George Washington University, rifilloi studimet dhe realizoi disa punime mbi politikën ndërkombëtare.
Por dukej gjithmonë e zemëruar, thoshte se nuk arrinte të flinte dhe vështirësitë personale ia atribuonte asaj që kishte parë në Lindjen e Mesme. Po kalonte një periudhë shumë të trazuar dhe gjeti një zgjidhje të papritur përmes një afro-amerikaneje të konvertuar në fenë shiite. Monica e kishte njohur gjatë një proteste të lëvizjes Occupy Wall Street.
Mendohet se pikërisht kjo grua krijoi kontaktin që e çoi Monicën në pranverën e vitit 2012 në Iran, për një festival alternativ filmi. Ky udhëtim u kthye në pikën e parë të afrimit me shërbimet sekrete iraniane, të cilat nisën të interesoheshin për profilin e saj.
Kur u kthye në Shtetet e Bashkuara, FBI-ja e paralajmëroi për rreziqet që po merrte përsipër, por ajo dha vetëm garanci të paqarta. Në fakt, ishte thjesht një mënyrë për të fituar kohë.
Ajo vazhdoi kontaktet me Republikën Islamike, këmbënguli se donte të transferohej atje dhe, kur kontaktet e saj iraniane hezitonin, i kërcënoi se do t’u drejtohej rusëve, duke përmendur rastin e Edward Snowden.
Në fund, mori atë që kërkonte: në verën e vitit 2013 u arratis në Iran përmes Dubai, me ndihmën e njerëzve të Tehranit.
Për amerikanët, Monica Witt — sot rreth 40 vjeçe — jo vetëm që është vendosur në territor armik, por ka furnizuar edhe Pasdaranët me informacione sekrete mbi teknologjinë dhe taktikat ushtarake amerikane.
Guido Olimpio – Corriere della Serra
Nuk zute mend nga Fuxi,nga Kim Filbi,goxha Amerike!?????????????????????
Po ju korruptoi edhe nje karagjoz Tirane,qe nuk eshte as rreshter ushtrie!!!!!!!
ja me ne Funde edhe Amerika paska “Tradhetare” dhe gjeti Shkaun per Deshtimin e saj ne Irane..
1-Ne se ajo u Arratise me 2012-ten….kane kaluar 14-te vite…dhe ajo nuk ka akses ne Vendodhjen e Anijeve Amerikane ne gjirin Persik….ose edhe Teknologjia e Avjoneve ka Ndryshuar qe nga ajo kohe…..
qe te beshe kote se koti dike Trarget, vetem dhe vetem se Shkoj te Jetoj ne Irane..eshte Bullshet.
$200mijë shpërblim, aty duket rëndësia e trushpëlarës.
Kur armiku I SHBA , BRSS testoi me sukses bombën atomike u dënuan me vdekje dy emigrantë të pa punë italianë, Saco dhe Vanseti . U akuzuan nga autoritetet e kohës si personat që I dhanë komunistëve sekretet e bombës atomike. Edhe kjo çupa ka pak a shumë të njëjtën akuzë. Nuk kuptohet qartë se kë duan të gënjejnë veten apo publikun.