John Alite, ish-mafiozi me origjinë shqiptare që dikur ishte një nga njerëzit më të besuar të bosëve të famshëm të krimit si John Gotti, tashmë është bërë këshilltar bashkiak në qytetin Englishtown, New Jersey.
Ish-“ushtari” i familjes Gambino, i cili dikur u dënua për gjashtë vrasje dhe dhjetëra sulme të dhunshme, u betua të mërkurën si anëtar i Këshillit Bashkiak, duke marrë një kthesë të papritur në jetën e tij.
“Kam pasur një të kaluar të errët, por tani dua ta shlyej dhe ta përfundoj jetën duke bërë gjëra pozitive,” tha 62-vjeçari Alite.
I njohur si një nga “arkëtuesit” më të suksesshëm të klanit Gambino gjatë viteve ‘80 dhe ‘90, Alite beson se përvoja e tij në rrugë do ta ndihmojë edhe në politikë.
“Çdo aspekt i jetës së rrugës është si qeverisja, ndaj e kuptoj mirë manovrimin politik dhe intrigat,” shtoi ai.
Alite, i cili kaloi 14 vjet në burg dhe më pas u bë dëshmitar i FBI-së kundër ish-mikut të tij, John Gotti Jr., ka qenë i angazhuar në punë sociale për të ndihmuar të rinjtë të largohen nga rruga. Kjo e bëri atë të fitonte besimin e kryebashkiakut të Englishtown, Daniel Francisco, i cili e propozoi për postin e këshilltarit.
Megjithëse pati kundërshtime fillestare nga disa anëtarë të këshillit, Alite arriti t’i bindë se e kaluara e tij mund të shërbejë si një shembull për ndryshim dhe rikthim pozitiv.
“Unë nuk i shmangem të kaluarës sime. Përkundrazi, e përdor atë për të ndikuar tek të rinjtë dhe për të kthyer një histori negative në një mësim jete,” tha ai.
Alite do të mbajë këtë post deri në vitin 2027, përveç nëse dikush e sfidon në zgjedhje deri më 21 mars. Megjithatë, ai beson se ka mbështetje të mjaftueshme për të vijuar në politikë dhe nuk e përjashton mundësinë e një kandidimi më të lartë, madje edhe për Kongresin Amerikan.
“Jam pyetur për një post më të lartë politik dhe më pëlqen modeli i Trump, ai bën atë që duhet dhe është punëtor i madh,” tha Alite, i cili ka qenë mbështetës i ish-presidentit që nga viti 2016.
Pavarësisht të kaluarës së tij kriminale dhe konfliktit të vazhdueshëm me familjen Gotti, Alite tashmë është shndërruar në një folës motivues, autor i pesë librave mbi jetën e mafias dhe aktivist kundër drogës.
j.a. / dita
Di gje intelektuhallja per kete, na sjell dot ndonje te dhene si ekspert dacibaosh, spiunlleku e biografish qe eshte?
Sa histori e bukur per te frymezuar te rinjte behuni njehere kriminela pastaj jep leksione,hej cna gjeti ec e gjeje kush ka te drejte ne kete palo bote
Pse lodheni kot o DITA deri ne Amerike per te gjetur Keshilltar Bashkiak me te kaluar kriminale (ndonese ai Alite ka qene edhe Deshmitar i FBI qe fundosi Bosin Gottin )
Keni Edi Ramen ketu ne mes te Tiranes qe ka sjelle jo vetem Keshilltare Bashkiake por dhe Kryetar Bashkish te tille e me tej…edhe Deputete Cuba me precedent penal si Ligjvenes ne salle te Parlamentit
Apo i harruat gje ato rracen e FRROKEVE, NDOKEVE, PRENGEVE, RRAJAVE, DOSHEVE etj, etj sa u detyrua me pas te pranoje “Ligj per DEKRIMINALIZIM te Parlamentit ” per ti nxjerre qe atje (!)
Ja ku u be Amerika si gjithe Shqipria,.Iniciativa 3+1,qe dha rezultate produktive ne Kombinatin e tekstileve Stalin dhe ate te Beratit,saqe frymezuan aktorin formidabel,Kujtim Spahivogli te shkruaje dramen KURVAT E KOMBINATIT dhe ta haje kollodokun e 3+1.E hengri edhe Amerika.Mori ne patronazh emigrantet shqiptare,mexikane,kolumbiane,,U BE SI ATA.
I keqi e ka mikrobin si virusi kinez,o Amerike!Varrose ne shkretetiren Akapatakama,Hidhi edhe gelqere siper.
Dobic kajmakeria e kishe fjalen per karaxhin because Rama eshte shume larg ketyre rrugeve megjithe deshiren tende:
Te tjera ben te tjera thua!
Hajde dru me pre!
Sinqerisht ti sinqeriteti. Kur nuk ditke se Rilindja e Rames ka pas deputete me precedent penale me emer mbiemer Mark FRROKU, Arben NDOKA, Armando PRENGA, Rrahman RRAJA, Tom DOSHI atehere je vete dru cung qe nuk ha sopate por do pyke.