Sipas rendit të ditës, seanca do të nis me diskutimet mbi projekligjeT, mes të cilëve është edhe projektligji: “Për letërnjoftimin elektronik të shtetasve shqiptarë”.
Gjithashtu, pjesë e diskutimeve është edhe projektligji për investimet e strategjike dhe ngritja e një komisioni hetimor të ri.
Sipas pikës 12 të rendit të ditës, në Kuvend do diskutohet “Projektvendimi “Për ngritjen e komisionit hetimor të Kuvendit për kontrollin e ligjshmërisë në procedurat e (i) miratimit të projektit “Marina & Jahtet e Durrësit”; (ii) shitjes së koncesionit të menaxhimit të portit kompanisë Schapha d. o. o.; dhe (iii) ndërtimit të portit të ri në Porto Romano””, parashikohet.
RENDI I DITËS
- Mbledhjen e Kuvendit në seancë plenare në datën 30.1.2025, ora 14:30.
- Rendi i ditës i seancës plenare është si më poshtë:
- Miratimi i procesverbalit të seancës plenare të datës 20.1.2025.
- Njoftime.
- Projektligji “Për ratifikimin e marrëveshjes ndryshuese të marrëveshjes së huas ndërmjet Republikës së Shqipërisë dhe Bankës Evropiane për Rindërtim dhe Zhvillim për financimin e projektit “Hekurudhat shqiptare – rehabilitimi i linjës hekurudhore Tiranë – Durrës dhe ndërtimi i linjës hekurudhore për në Aeroportin Ndërkombëtar të Tiranës”, ratifikuar me ligjin nr. 29/2017.
- Projektligji “Për aderimin e Republikës së Shqipërisë në aktet dhe dokumentet e Kongresit të 27-të të Bashkimit të Përbotshëm Postar, Abidjan 2021, përfshirë ndryshimet e miratuara në Kongresin e Jashtëzakonshëm, Addis Ababa 2018, dhe në Kongresin e Jashtëzakonshëm, Gjenevë 2019, të Bashkimit të Përbotshëm Postar”.
- Akti normativ nr. 5 “Për disa ndryshime dhe shtesa në ligjin nr. 97/2023 “Për buxhetin e vitit 2024”, i ndryshuar.
- Projektligji “Për ratifikimin e vendimit nr. 2/2024 të Komitetit të Përbashkët të Konventës Rajonale për Rregullat Preferenciale të Origjinës Pan-Euro-Mediteriane të 12 dhjetorit 2024 për ndryshimin e vendimit nr. 1/2023 të Komitetit të Përbashkët, miratuar me ligjin nr. 59/2024, me qëllim përfshirjen e dispozitave kalimtare në ndryshimet e Konventës Rajonale për Rregullat Preferenciale të Origjinës Pan-Euro-Mediteriane, të zbatueshme nga 1 janari 2025”.
- Projektligji “Për ratifikimin e marrëveshjes së huas ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim për projektin “Mjedis i pastër dhe me aftësi ripërtëritëse, Deti Blu””.
- Projektligji “Për disa shtesa dhe ndryshime në ligjin nr. 8952, datë 10.10.2002, “Për letërnjoftimin elektronik të shtetasve shqiptarë”, i ndryshuar.
- Projektligji “Për njohjen e periudhave të punësimit në institucionet shtetërore, në ishndërmarrjet shtetërore, në ish-ndërmarrjet bujqësore dhe në ish-kooperativat bujqësore për efekt pensioni në sistemin e sigurimeve shoqërore”.
- Projektligji “Për disa shtesa dhe ndryshime në ligjin nr. 55/2015 “Për investimet e strategjike në Republikën e Shqipërisë”, i ndryshuar.
- Projektligji “Për një shtesë në ligjin nr. 29/2023 “Рër tatimin mbi të ardhurat”, i ndryshuar.
- Projektvendimi “Për ngritjen e komisionit hetimor të Kuvendit për kontrollin e ligjshmërisë në procedurat e (i) miratimit të projektit “Marina & Jahtet e Durrësit”; (ii) shitjes së koncesionit të menaxhimit të portit kompanisë Schapha d. o. o.; dhe (iii) ndërtimit të portit të ri në Porto Romano”.
- Projektvendimi “Për dërgimin e mocionit në Gjykatën Kushtetuese”.
- Projektvendimi “Për disa shtesa në vendimin e Kuvendit nr. 166, datë 16.12.2004, “Рër miratimin e Rregullores së Kuvendit të Republikës së Shqipërisë”, i ndryshuar.
- Diskutime për çështje jashtë rendit të ditës.
III. Ngarkohen shërbimet e Kuvendit për publikimin e rendit të ditës të seancës plenare, njoftimin e anëtarëve të Kuvendit me anë të mjeteve të komunikimit elektronik, si dhe përgatitjen e dokumentacionit parlamentar që do të shqyrtohet.
