Redaksionale
Huliganizëm apo revoltë? Dhuna individuale mbetet përgjegjësi e atyre që e ushtrojnë. Kriza e thellë politike është përgjegjësi direkte e atyre që qeverisin
Tri dekada pas trazirave të viteve ’90, Tirana po përballet sërish me skena shkatërrimi dhe flakësh, duke krijuar një paralele të dhimbshme mes të shkuarës dhe të tashmes.
Ndërsa zjarri i sotëm i atribuohet ndikimit të mbetur të Sali Berishës apo eksponentëve të dhunshëm, përgjegjësia kryesore politike dhe morale bie mbi kryeministrin Edi Rama.
Për më shumë se katër muaj, qytetarët protestuan në mënyrë të qytetëruar. Mungesa e dialogut, përçmimi dhe arroganca e pushtetit qendror e shndërruan pakënaqësinë popullore në një revoltë të hapur.
Në politikën tonë e keqja nuk ka ngjyrë. Autokracia, narcizmi, korrupsioni, indiferenca ndaj rinisë prodhojnë të njëjtat pasoja shkatërrimtare për shoqërinë, pavarësisht nëse pushteti mban ngjyrë blu apo të kuqe.
Pushtetet dhe liderët janë të përkohshëm. Për fat të keq, historia do ta mbajë mend drejtuesin e sotëm jo më për transformimin e dikurshëm të kryeqytetit, por për provokimin e një klime që çoi sërish në djegien e Tiranës.
DITA
