Një plagosje me armë zjarri është regjistruar rreth orës 20:10, në qytetin e Bajram Currit. Pas një konflikti për motive të dobëta të nisur në ambientet një lokali, ka mbetur i plagosur me armë zjarri pistoletë në këmbë një 28-vjeçar.
Si pasojë e të shtënave, mbeti i plagosur po në këmbë edhe një kalimtar i rastit, 32 vjeç, i cili nuk ka asnjë lidhje me ngjarjen. Policia e Tropojës mbërriti në vendin e ngjarjes për të sqaruar të plotë dinamikën, ndërsa tashmë ka identifikuar autorin e kësaj ngjarjeje. 49-vjeçari me iniciale B.S., menjëherë pas ngjarjes është larguar dhe tashmë është shpallur në kërkim nga policia dhe po punohet për lokalizimin e tij.Blutë e Tropojës kanë bërë rrethimin e zonës, si dhe vijojnë kontrollet në zonë dhe në ambiente të ndryshme, për të bërë të mundur kapjen e tij. Tashmë janë sekuestruar kamerat e sigurisë të lokalit dhe në afërsi të zonës, bashkë me provat materiale në vendngjarje, për të kuptuar mbi dinamikën dhe shkaqet që detyruan 49-vjeçarin të nxjerr armën.
