Një ngjarje e pazakontë dhe e rrallë ka ndodhur në burgun e sigurisë së lartë në Tenesi, SHBA. Të dënuarës me vdekje, Christa Pike, 50 vjeç, i është pezulluar ekzekutimi pasi mbijetoi ndaj dy injeksioneve letale me pentobarbital.
Pike, e cila u dënua për një vrasje mizore të kryer në vitin 1995 kur ishte vetëm 18 vjeçe, pritej të bëhej e para grua e ekzekutuar në Tenesi në më shumë se 200 vjet.
Sipas dëshmitarëve dhe raporteve mediatike, pas administrimit të dozave letale, Pike mbeti me vetëdije për një kohë të gjatë dhe filloi të shfaqte shenja frymëmarrjeje të rënduar e të pafundme. Ekzekutimi u ndërpre menjëherë dhe perdet e dhomës së ekzekutimit u mbyllën.
Avokatët mbrojtës të saj dorëzuan me urgjencë një kërkesë në Gjykatën e Lartë për ndalimin e menjëhershëm të procedurës, duke e cilësuar atë si “torturë dhe dënim mizor e të pazakontë”.
Pas këtij incidenti, Pike u dërgua me urgjencë në spital nën masa të rrepta sigurie për të marrë ndihmë mjekësore.
Guvernatori i shtetit të Tenesit ka urdhëruar pezullimin e përkohshëm të të gjitha ekzekutimeve në shtet deri në sqarimin e plotë të rrethanave dhe hetimin e procedurës mjekësore.
Christa Pike është e vetmja grua në radhën e të dënuarve me vdekje në Tenesi, dhe rasti i saj ka nxitur prej vitesh debate të mëdha mbi dënimet kapitale për krimet e kryera në moshë të re.
d.xh. / dita
