Një 39-vjeçar ka rënë në prangat e policisë pasi plagosi me thikë babë e birë.
Uniformat blu bëjnë me dije se shtetasi Armando Boriçi 39 vjeç, banues në Qënas, pas një konflikti për motive të dobëta, goditi me thikë shtetasit Haxhi Balla, 77 vjeç dhe Aleks Balla , 53 vjeç (babë e bir).
39 vjeçari është shoqëruar ne Komisariatin e Policisë Fier, ndërsa babë e bir janë dërguar në spitalin e Fierit ku ndodhen nën kujdesin e mjekëve.
Postimi i Policisë:
Fier/Informacion paraprak
Plagosi me mjet prerës (thikë) dy shtetas, Policia kap dhe shoqëron autorin.
Pas marrjes së njoftimit se në Qënas, Fier, ka ndodhur një plagosje me thikë, shërbimet e Policisë kanë shkuar menjëherë në vendngjarje.
Falë veprimeve të shpejta e profesionale është bërë i mundur identifikimi, kapja dhe arrestimi i autorit të dyshuar, shtetasit A. B., 39 vjeç, banues në Qënas, i cili pas një konflikti për motive të dobëta, ka goditur me thikë shtetasit H. B., 77 vjeç dhe A. B., 53 vjeç (babë e bir).
Shtetasi A. B., është shoqëruar në Komisariatin e Policisë Fier për veprime të mëtejshme, ndërsa shtetasit H. B. dhe A. B. ndodhen në spitalin rajonal të Fierit nën kujdesin e mjekëve.
a.m/dita
