Një vrasje me armë zjarri ka tronditur sot në mbrëmje Shkodrën. 33-vjeçari Valter Fierza raportohet paraprakisht se është vrarë me armë zjarri, nga një person që bëhet me dije se është identifikuar.
Ngjarja ka ndodhur rreth orës 22:00 në fshatin Hot i ri në Shkodër. Ende nuk dihen rrethanat, por paraprakisht dyshohet për një grindje në fshat me persona të tjerë, konkretisht në lokalin e fshatit.
Forca të shumta policie u nisën drejt vendngjarjes, për zbardhjen e krimit dhe kapjen e autorit apo autorëve.
Nuk përjashtohet përveç pistës së grindjes së çastit, edhe një sulm hakmarrës…
