Pas 5 muajsh tensione, sot (21 mars) seanca plenare po zhvillohet në normalitet në Kuvend.
Pavarësisht kthimit në normalitet, ka pasur dhe disa incidente të vogla. Kreu i PD-së Lulzim Basha u përjashtua nga seanca pasi bllokoi foltoren.
“Edhe njëherë z.Basha, ju lutem të lironi foltoren. Atëherë jeni i përjashtuar nga seanca për zaptim të foltores. E kam për një ditë e ka drejtuesi i seancës, jeni i përjashtuar. Ju i dini rregullat e qarta të rregullores së Kuvendit”, iu drejtua Lindita Nikolla.
Pas vendimit për përjashtimin e tij, Basha “shpërtheu” në të qeshura dhe refuzoi të largohej nga salla e Parlamentit dhe Nikolla vendosi të ndërpresë seancën për 5 minuta.
“Z. Basha ju lutem lironi sallën, lironi sallën dhe foltoren bashkë me sallën, jeni i përjashtuar, do të thellohet dënimi patjetër. Rrregullorja është e qartë. 5 minuta pushim me kërkesë të kryetarit të Grupit”, u shpreh ajo.
Kujtojmë se në mbledhjen e konferencës së Kryetarëve u miratua ngritja e Komisionit Hetimor të Kuvendit për shërbimin publik të Sterilizimit dhe shërbimin publik të Check-up në shëndetësi dhe ngritja e Komisionit Hetimor të Kuvendit për Trajtimin e të Dhënave të sistemit TIMS.
Gjithashtu Konferenca e Kryetarëve ra dakord që në Komisionin për Çështjet Ligjore, Administratën Publike dhe të Drejtat e Njeriut, të krijohet hapësira dhe kushtet e nevojshme nëpërmjet një mekanizmi të barabartë dialogu mes shumicës dhe pakicës parlamentare, që në mënyrë transparente, trajton me qëllim gjetjen e konsensusit, çështje që kërkojnë diskutim politik konstruktiv e gjithëpërfshirës, ligjet që kërkojnë shumicë të cilësuar dhe legjislacionin e nevojshëm për ecurinë e negociatave të anëtarësimit të Shqipërisë në Bashkimin Europian.
j.l./ dita
Te kishte kendu hymnin kombetar do e kishin mbylle me shpejt seancen .
Lajm humoristik.Basha do te tregoje se Bardhemi nuk eshte me trim se at!?
Kjo tregon qe PS me zore paska priture te bashkepunoka me Berishen. Deputetet e tije e dogjen parlamentin dhe nuk I nxori njeri nga salla por prisnin kur te mbaronin. Po lereni dhe kete Derek ziun te ngreje zerin se mbase e merr Berisha me so te mire, si Gazin.
Parlament I frikacakeve.Kaq vite nuk kemi degjuar te ngrihet ndonje shqetesim I banoreve nga ndonje deputet per cilin eshte votuar.
Kaq vjet nuk kemi degjuar te mbeshtetet prodhimi vendas me masa ndaj importit.
Dhe shume shqetesime.
Ne kemi degjuar Spiropalin qe I pelqen kali I Skenderbeut.
Eshte e drejte e saj por jo per fukarane.