Prokuroria e Tiranës ka shpallur fajtorë 6 persona të cilët krijuan një skemë të mirëorganizuar të qarkullimit të parave përmes shërbimeve fiktive. Ata kishin synim shpërndarjen e shumave monetare dhe shmangien e detyrimeve tatimore dhe përfitimin e padrejtë të TVSH-së.
Ata akuzohen për veprat penale “Krijimi i skemave mashtruese lidhur me tatimin mbi vlerën e shtuar” e kryer në bashkëpunim, “Falsifikimi i vulave, stampave ose formularëve”, “Mospagimi i taksave dhe tatimeve” si dhe “Fshehja e të ardhurave”.
Të pandehurit e indentifikuar me I. Q., E.B., S. C. dhe S.C. kanë qenë në rolin e ndihmësit të të pandehurit A.D., i cili rezulton të jetë në rolin e organizatorit, krijuesit dhe përfituesit kryesor nga kjo skemë mashtruese.
Ata kanë pranuar të lëshojnë në mënyrë fiktive fatura tatimore për shërbime konsulence në favor të drejtpërdrejtë ose të tërthortë të shoqërisë “Sidec”. Ndërkohë i pandehuri me inicialet Z. K., me detyrë kontabilist, duke qenë në dijeni të plotë të situatës financiare, ka bërë një trajtim kontabël plotësisht të gabuar. Prokuroria gjithashtu ka gjobitur 5 kompanitë e përfshira në këtë skemë.
j.l./ dita
