Kryetari i Komitetit Gjyqësor të Dhomës së Përfaqësuesve, Jim Jordan ka thirrur për të dhënë dëshmi, ish-këshilltarin special Jack Smith, që njëherësh ka shërbyer edhe si prokuror në Zyrën e Prokurorit të Specializuar në Hagë që ngriti edhe aktakuzën ndaj Hashim Thaçit dhe të tjerëve.
Jordan udhëzoi Smith të paraqitej para komisionit më 17 dhjetor, bazuar në një dokument që posedon Fox News Digital.
“Për shkak të shërbimit tuaj si Këshilltar Special, Komiteti beson se ju zotëroni informacione që janë jetësore për mbikëqyrjen e kësaj çështjeje”, shkroi Jordan në kërkesën e tij.
Po ashtu, në këtë thirrje është bashkangjitur edhe kërkesa që të përfshihen të gjitha dokumentet dhe komunikimet që lidhen me kohën e Smith si këshilltar.
Dëshmia e ardhshme, e cila do të zhvillohet me dyer të mbyllura vjen derisa republikanët e Dhomës së Përfaqësuesve dhe Senatit janë përqendruar në hetimin e Smith ndaj Trump në lidhje me zgjedhjet, duke e përshkruar atë si një skandal që përfshiu në mënyrë të panevojshme qindra ligjvënës republikanë, subjekte republikane, aleatë të Trump dhe media si pjesë e hetimit.
Jack Smith që i priu hetimeve ndaj presidentit Donald Trump për mënyrën e menaxhimit të dokumenteve sekrete dhe përpjekjet e dyshimta për zhbërjen e zgjedhjeve të vitit 2020.
Smith i hoqi të dyja çështjet pasi Trump fitoi zgjedhjet e vitit 2024, duke u mbështetur në një politikë të Departamentit të Drejtësisë që dekurajon ndjekjen penale të presidentëve në detyrë.
Smith tashmë është ofruar të dëshmojë publikisht para Komiteteve Gjyqësore të Dhomës së Përfaqësuesve dhe Senatit, por sipas burimeve të Fox tha se Jordan preferon një dëshmi të tillë pasi secila palë në komision mund ta pyesë Smithin për një orë.
Jack Smith ka qenë kryeprokuror i Prokurorisë Speciale në Hagë që heton krimet që dyshohet se u kryen nga ish Ushtria Çlirimtare e Kosovës gjatë dhe pas luftës.
Ai ka dhënë dorëheqjen si kryeprokuror i gjykatës speciale në Hagë të ngarkuar me hetimin dhe gjykimin e krimeve të luftës në Kosovë.
j.l./ dita
