Kuvendi i Shqipërisë ka paraqitur projektvendimin për ngritjen e Komisionit të Posaçëm Parlamentar për Reformën Zgjedhore, i cili do të ketë për detyrë hartimin e ndryshimeve ligjore dhe trajtimin e rekomandimeve të OSBE/ODIHR-it dhe institucioneve të tjera ndërkombëtare.
Sipas dokumentit zyrtar, komisioni do të ketë në fokus hartimin e ndryshimeve ligjore për reformën zgjedhore, shqyrtimin e rekomandimeve të OSBE/ODIHR-it për zgjedhjet vendore të 14 majit 2023 dhe ato parlamentare të 11 majit 2025, si dhe për zgjedhjet e mëparshme që nuk janë trajtuar, vlerësimin e propozimeve të institucioneve zgjedhore, partive politike parlamentare dhe organizatave jofitimprurëse si dhe hartimin e një ligji të ri për financimin e partive politike.
Komisioni do të ngrihet mbi parimin e barazisë pozitë–opozitë, me 16 anëtarë, 7 nga Partia Socialiste, 7 nga Partia Demokratike dhe 2 nga partitë që kanë fituar të paktën dy mandate në zgjedhjet parlamentare të 11 majit 2025.
Drejtimin e komisionit do ta marrin dy bashkëkryetarë, një nga PS dhe një nga PD.
Pranë komisionit do të ngrihet edhe një grup ekspertësh teknikë, ndërsa në proces do të marrin pjesë me rol këshillues përfaqësues të OSBE-së, OSBE/ODIHR-it, Këshillit të Europës, Komisionit të Venecias, si dhe ekspertë të Bashkimit Europian dhe Shteteve të Bashkuara të Amerikës.
j.l./ dita
PD nuk e deshiron ndryshimin e Kodit zgjedhor,.Nuk do drite,kerkon Erresire. Edhe sikur te humbi zgjedhjet deri ne vitin 3000,mjaft qe te votohen Lista zgjedhore Kryetaresh..Ato te pasigurtat(te hapura) hengshin koken,
Nuk duam te votojme Lista.DUAM TE VOTOJME KANDIDATE PER CDO ZONE VOTIMI,ASHTU SI KA QENE.
Dua te di cilin kam votuar.Kush eshte deputeti i Zones time.Te rikthehet Ligji Zgjedhor i Ramiz Alise dhe i Fatos Nanos qe ishin Europiane te vertete,,Perendimore ne edukate dhe ne sjellje.
Agron Shehaj per ty kam votuar,.Shpresa tek ti per ndryshimin e kodit zgjedhor ,Lanet vota ime nqs nuk e ngre kete problem popullor ne Komisjon.