Ramazan Rraja ankimon në Gjykatën e Lartë masën arrest me burg të vendosur ndaj tij nga gjykata e posacme në shkallën e parë dhe në Apel. Rekursi i avokatëve është regjistruar në gjykatën e Lartë më 20 qershor.
Objekti i ankimit, është vlerësimi i ligjshmërisë së arrestimit të ndodhur më 19 prill 2023, ku të dyshuarit iu gjet edhe një armë pa leje në zonën e Krujës.
Rraja ishte shpallur në kërkim pasi SPAK pretendon se me kushëririn e tij Redjan Rraja dhe persona të tjerë në Durrës, kanë bashkëpunuar në atentatin ku mbeti i vrarë shoferi Andi Maloku, dhe u plagosën Landi Muharremi dhe ish-prokurori i Durrësit, Arjan Ndoja më 1 nëntor 2019.
Urdhërat e arrestit për disa nga bashkëpunëtorët u firmosën në 20 janar 2023. Kujtojmë se Rraja në vitin 2021, u shpall në kërkim pasi hyri i maskuar dhe i armatosur në një lokal. Ramazan Rraja po ashtu më herët ishte arrestuar edhe në Belgjikë dhe Gjermani për drogë.
