Një 55-vjeçar nga Tirana, i identifikuar si Asllan Meçaj, është paraqitur në Spitalin e Vlorës për marrjen e ndihmës mjekësore, pasi është konstatuar me një traumë pas koke. I dëmtuari ka ardhur nga Himara, ndërsa është i vetëdijshëm. Mësohet se 55-vjeçari ka mbetur i plagosur nga goditja me grushte nga një 23-vjeçar në Dhërmi.
I riu është larguar në drejtim të paditur dhe po punohet për kapjen e tij. Ngjarja ndodhi sot, vendin e quajtur “Kryqëzimi i Kampit”. Pas konfliktit, një 23-vjeçar ka rrahur shoferin e autobusit të linjës, duke e qëlluar me sende të forta e grushte.
“Sot, rreth orës 15:50, në vendin e quajtur “Kryqëzimi i Kampit”, në Dhërmi, dyshohet se pas një konflikti për motive të dobëta, shtetasi H. L., 23 vjeç, ka goditur me grushte, duke e dëmtuar rëndë në kokë, shtetasin A. M., 55 vjeç, i cili ndodhet në spital, nën kujdesin e mjekëve. Vijon kontrolli i zonës për kapjen e autorit të dyshuar të ngjarjes. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes”.
