Nga sot, 1 gusht ka nisur zbatimi i marrëveshjes për sigurimet shoqërore me Kanadanë. Ministrja e Ekonomisë dhe Financave, Delina Ibrahimaj bën me dije se rreth 30-40 mijë shqiptarë të cilët jetojnë dhe punojnë në Kanada pritet të përfitojnë.
Kjo marrëveshje është ratifikuar në vitin 2019 dhe synon trajtimin e barabartë të qytetarëve dhe njohjen e vjetërsisë në punë. Në bazë të marrëveshjes asnjë qytetar nuk do të humbasë asnjë ditë kontribute, pavarësisht se ku ka punuar.
Pjesë e kësaj marrëveshjeje është edhe eksporti i pensioneve, që do të thotë që pensioni do t’ju paguhet qytetarëve shqiptarë në vendin që do të zgjedhin të jetojnë. Kështu, shtetasit shqiptarë do të kenë mundësi që të marrin pensionin kanadez edhe nëse zgjedhin të jetojnë në Shqipëri, duke mos humbur asnjë të drejtë.
‘Nis sot në 1 Gusht 2022 zbatimi i marrëveshjes për sigurimet shoqërore me Kanadanë. Rreth 30-40 mijë shqiptarë të cilët jetojnë dhe punojnë në këtë vend pritet të përfitojnë. Kjo marrëveshje e ratifikuar në vitin 2019 synon trajtimin e barabartë të qytetarëve dhe njohjen e periudhave të vjetërsisë në punë”, shkruan Ibrahimaj.
Nënshkrimi përfundimtar i kësaj marrëveshjeje erdhi pas një periudhe të gjatë negociatash për njohjen reciproke të skemave të sigurimeve shoqërore dhe hartimit të marrëveshjeve administrative, duke nisur që prej vitit 2013.
Gjatë nënshkrimit të marrëveshjes në Kanada, u vlerësuan marrëdhëniet shumë të mira mes Shqipërisë dhe Kanadasë si edhe u trajtuan disa çështje me interes të ndërsjellë si dhe u theksua vullneti i përbashkët i të dy vendeve tona për forcimin dhe zgjerimin e mëtejshëm të bashkëpunimit dy dhe shumëpalësh.
o.j/dita
Ku mund te lexojme marrveshjen e plote, qe te dime meshume detaje…?
ne shqiperi do te paguhet, garanty support income I kanadase?
O cfare genjeshtre .,,, po mire so perfitojme shqiptaret ne Kanada nga kjo marrveshje nje zot e di. Dihet mire se perkundrazi shqiptaret i himbasin leket qe vijne nga Shqiperia se Kanadaja i jep nje pension minimal te barabartr te gjithe e dhe po qe se shikon qe merr 100 dollare me shume te refukton ate shume mga pensioni . Shqiptaret nuk kane se si perfitojne nga kjo marrveshje. Cdo te thote qe nuk humbasin asnje vit kontribut ? Pse i konfuzojne njerezit sikur do bashkohen vitet e Shqiperise me te Kanadase ? Me asnje vend nuk behet bashkimi i viteve. Mashtrues ose te paditur .
Formula e marrjes së pensionit nuk është e njëjtë për çdo person. Janë disa kushte për t’i plotësuar dhe rrethanat ndryshojnë për çdo individ. Në SHBA, në rast se merr pension në një vënd tjetër, të zbritet nga ai i amerikës, në vlerën 58% të saj. Nuk mund të thuash që përfitojnë të gjithë të larguarit. Do të ketë ndonjë që mund të përfitojë, si p.sh. ata që kanë punuar më pak se 15 vjet në Shqipëri dhe më pak se 10 vjet në amerike dhe duke i bashkuar, plotësojnë marjen e një pensioni minimal, por të tjerët mund të dalin me humbje, sepse u zbritet pensioni jashtë vëndit. Mund të ketë interes edhe shteti shqiptar nga ky veprim, sepse heq nga vetja një të larguar, ose pensionin e huaj e konsumon në Shqipëri. Këshilla ime është që çdo i larguar nga Shqipëria, t’i studjojë mirë ligjet e të dy vendeve dhe të shikojë se cili variant i leverdis, i bashkuar apo i ndarë veç e veç, sepse siç e thashë, pensioni nuk është standart, por i ndryshueshëm sipas plotësimit të kushteve.
Meqenese nafta shqiptare u del me humbje ketyre kanadezeve,po e kompensojne duke paguar pensionet e shqiptareve.