Udhëheqësi suprem i Iranit, Ali Khamenei u vra pasi spiunë izraelitë hakeruan kamerat e trafikut në Teheran, raporton Sky News.
Kamerat ishin një nga disa burime inteligjence që ndihmuan në konfirmimin e vendndodhjes së Ajatollahut të shtunën në mëngjes, sipas dy burimeve të njohura me çështjen.
Sipas tyre, kishte gjithashtu një burim njerëzor që raportonte tek amerikanët, megjithëse CIA refuzoi të komentojë.
Një zyrtar aktual i inteligjencës izraelite i tha Financial Times: “Ne e njihnim Teheranin siç njohim Jerusalemin… dhe kur e njeh [një vend] aq mirë sa rrugën ku je rritur, vëren edhe gjënë më të vogël që nuk shkon.”
Izraeli ishte në gjendje të ndërpriste “një duzinë apo më shumë” kulla telefonie celulare përreth për të parandaluar që truprojat e Khameneit të merrnin paralajmërime të mundshme.
Sipas burimeve, vendimi për ta shënjestruar udhëheqësin iranian u mor në fillim të sulmeve, përpara se ai të mund të kërkonte strehim në një bunker të papërshkueshëm nga bombat.
Operacioni ishte planifikuar prej muajsh, raportoi Financial Times, por u përshtat kur inteligjenca amerikane dhe ajo izraelite mësuan se Khamenei dhe zyrtarë të lartë do të takoheshin në kompleksin e tij të shtunën.
j.l./ dita
Po po spiunazh leshi. Atë e vranë te shtëpia e tij, te zyra e tij. Ka gjë më banale se kjo. E gjetën këta. Pastaj Mu në mes të një trattative. Te thone në fillim hajde të flasim, pastaj të qëllojnë… ca mileti. Lexoja intervistën e ish ambasadorit amerikan në Arabinë Saudite dhe të një analisti të Cias që thoshin që para 36 vjetësh Khameini si person fetar kishte nxjerr një urdhër që ndalonte prodhimin në Iran të armëve bërthamore. Pra amerikanët vranë personin e vetëm në iran që ishte kundra prodhimit të armëve bërthamore. Kështu që Trumpi ose është burdalla ose Netanyahu e shantazhon keqaz me ndonjë material shumë të rëndë të kaluar nga Epstein