A kanë vërtetë shanse Shqipëria e Kosova të shkojnë në Botëror? Një ndeshje e vetme porta drejt ëndrrës, si funksionon “play off”

Shqipëria dhe Kosova po kërkojnë një biletë për në Kupën e Botës 2026, por nga zona play-off. Të dyja skuadrat i mbyllën grupet respektive në vendin e dytë.

Zyrtarisht Shqipëria dhe Kosova do jenë në Vazon 3 të play-off-it, duke shmangur një përballje mes tyre, por ndeshjet nuk do mund t’i zhvillojnë në shtëpi.

Për momentin rivalët e mundshëm të dy skuadrave janë Vazo nr 4 ku ndodhen Skocia, Çekia, Sllovakia dhe Uellsi. Dilema e vetme e mbetur është renditja e Irlandës, pasi nëse ngjit shkallë në pozicionet e FIFA-s mund të këmbejë vazot me Uellsin.

Më 19 nëntor FIFA do shpallë edhe renditjen përfundimtare, nga e cila do vendoset ndarja e 16 skuadrave në katër vazot përkatëse.

Më 20 nëntor në Nyon të Zvicrës do hidhet shorti për ndeshjet, të cilat do nisin të luhen më 26 mars.

UEFA ka vendosur që ekipet e vazos 1 të përballen me ato të vazos 4 (ekipet që vijnë nga Liga e Kombeve). Ndërsa ekipet e vazos 2 do përballen me ato të vazos 3. Në këtë fazë UEFA i jep përparësi ekipeve me koeficient më të lartë në renditjen mujore të FIFA-s dhe për rrjedhojë skuadrat e vazos 1 dhe ato të vazos 2 do i zhvillojnë ndeshjet në shtëpi.

Duelet e para mes 16 skuadrave (gjysëmfinalet) do jenë me një takim dhe nëse gjatë 90 minutave nuk ka fitues, ndeshjet shkojnë në shtesë dhe më pas me penallti.

Fituesit që do dalin nga këto çifte (8 skuadra), do përballen në duelet finalet prapë me një takim sipas një shorti që veç rivalëve, vendos edhe vendin e zhvillimit të ndeshjes, pa preferenca nga koeficienti.

Pra në rastin më të mirë Shqipëria dhe Kosova do kenë edhe dy takime në play-off e Kupës së Botës. Në rastin më të keq, do luajnë vetëm një duel. Gjysmëfinalet play-off luhen më 26 mars, ndërsa ato finale më 31 mars 2026.

Ndarja momentale e vazove të shortit:

Vazo 1: Itali, Turqi, Poloni, Ukrainë

Vazo 2: Skoci, Çeki, Sllovaki, Uells

Vazo 3: Irlandë, Bosnjë, Shqipëri, Kosovë

Vazo 4: Maqedoni, Rumani, Suedi, Irlandë

Po sa shanse kanë Shqipëria dhe Kosova për të kaluar play-off-in dhe potencialisht për t’u kualifikuar për Botërorin 2026?

Nuk është e lehtë dhe gjithçka varet nga disa faktorë kyç. Kundërshtarët e mundshëm: sipas llogaritjeve janë Çekia, Skocia, Uellsi ose Sllovakia. Nuk do të jenë ndeshje “kundër gjigantëve” pasi ka variante relativisht “çliruese”, por sërish nuk janë kundërshtarë të lehtë.

Çekia apo Skocia janë skuadra të afta, me eksperiencë në kompeticione evropiane dhe nuk janë rivalë amatorë.

Me një optimizëm realistik, Shqipëria ka rreth 30–40% shans për t’u kualifikuar (vlerësim subjektiv), duke marrë parasysh formatin “me një ndeshje” dhe rivalët e mundshëm.

Kosova ka gjithashtu shanse, por ndoshta pak më të vështira, veçanërisht nëse shorti nuk i favorizon. Por shpirtin e skuadrës dhe entuziazmin e ka, dhe një befasi nuk është e përjashtuar.

Sipas “Football Meets Data”, Shqipëria ka probabilitet më të lartë për t’u kualifikuar. Në çdo rast si për Shqipërinë, ashtu edhe për Kosovën, ky do të ishte një sukses i madh jo vetëm sportiv,

DITA – SPORT