Zbardhet ekzekutimi i biznesmenit politikan në Shëngjin, Ardian Nikulaj. Një shtetas portugez dyshohet se është killeri, tashmë i shpallur në kërkim, kurse pas tij janë edhe 5 persona të tjerë, shumica të huaj.
Policia dhe Prokuroria e Lezhës, me miratimin e Gjykatës, kanë lëshuar një urdhër ndalimi për portugezin i cili është larguar nga Shqipëria, pak pas ngjarjes. Urdhëra ndalimi janë lëshuar edhe për të tjerët.
Policia tha se ka dokumentuar përfshirjen e të 6 këtyre personave në krimin e rëndë që tronditi Shëngjinin në 19 prill.
Pyetjes së një gazetari, se cili dyshohet të jetë motivi i vrasjes, kreu i policisë u përgjigj se hetimet nxjerrin në pah, pistën e gjakmarrjes.
Policia ushtroi sot kontrolle në zonën e Gjadrit dhe Kakarriqit, në banesat e disa personave të cilët kanë lidhje me fisin Lekstakaj.
Gjatë kontrolleve janë gjetur rrobat të cilat dyshohet se janë të njëjtat që autori ka përdorur ditën e vrasjes. Ato janë dërguar në laborator për ekzaminim.
o.j. / dita
