Bota e ethshme e garave profesionale për makina duket se është bërë për familjen Schumacher. Kompania “Mercedes” ka njoftuar se Mick Schumacher do të jetë i pranishëm në Festivalin e Shpejtësisë në Goodwood të muajit të ardhshëm, duke ngarë makinën e garave të babait të tij Michael të vitit 2011, W02.
Schumacher iu bashkua tetë herë kampionëve të botës në fillim të vitit 2023 si pilot rezervë, pas dy sezonesh me Haas. Që atëherë, ai ka shijuar për herë të parë aksionin në pistë për ekipin, në fillim të këtij muaji në W14 në testin e gomave Pirelli në Barcelonë.Një Schumacher i kënaqur, i cili do të marrë pjesë në këtë ngjarje për herë të parë. “Do të jetë spektakolare të garoj me makinën e babait tim të vitit 2011, W02, edhe nëse është vetëm një ngarje e shkurtër. Kam pasur fatin të drejtoj një nga makinat e tij Benetton dhe disa nga Ferrarit që ai ka garuar. Kjo do të jetë hera e parë pas timonit të një Mercedesi që ai ka drejtuar. Jam i sigurt se do të dal prej tij me një buzëqeshje të madhe në fytyrën time”, ka shtuar më tej Mick.
Kujtojmë se Michael prej dimrit të 2014 është në koma, pas aksidentit në një pistë skish në Zvicër.
