Një krim brutal ka tronditur botën e Hollywood, ku regjisori i njohur Rob Reiner dhe gruaja e tij, Michelle, janë vrarë pasditen e së dielës, me orën lokale, në Los Angeles.
Sipas mediave amerikane, Reiner dhe gruaja e tij u gjetën të vrarë me thikë në shtëpinë e tyre.
Sipas People, autori i vrasjes dyshohet të jetë djali i çiftit, Nick, i cili ishte përdorues droge dhe jetoi i pastrehë për vite me radhë.
Nick Reiner ishte një nga djemtë e çiftit. Dyshja kishin edhe një djalë tjetër, Jake, dhe vajzën, Romy. Regjisori ndërkohë kishte adoptuar edhe aktoren Tracy, vajzën e ish-gruas së parë.
Regjisori 78 vjeçar, dhe Michelle, 68 vjeç, u martuan në vitin 1989, ndërsa regjisori ishte i martuar më parë me aktoren Penny Marshall nga viti 1971 deri në vitin 1981.
Rob Reiner ishte një regjisor, producent dhe aktor amerikan, i cili ka lindur në New York City.
Ai e filloi karrierën e tij si aktor, duke fituar njohje të gjerë nga pjesëmarrja e tij në serialin televiziv të njohur All in the Family.
Që nga vitet 1980, ai është kthyer në regji, duke nënshkruar disa nga filmat më të suksesshëm dhe më të dashur të kinemasë moderne amerikane.
