Coco Labrador u sëmur shpejt pas vdekjes së pronarit të tij. Streha që e mirëpret beson se kafsha ka pirë nga shishet që pronari i saj ka lënë. Thonë se qentë duken si pronarët e tyre. Kjo është historia e Coco-s, një retriever Labrador, i cili është dashur të trajtohet në një shoqatë kafshësh për paraqitjen e simptomave të tërheqjes, pasi pronari i tij ka vdekur.
Coco dhe shoku i saj qeni Georgie, mbërritën në Woodside Animal Welfare Trust pas vdekjes së pronarit të tyre, ku u sëmurën shpejt dhe megjithëse një veteriner mundi t’i trajtonte urgjentisht, Georgie përfundoi duke vdekur, ndërsa Coco mbeti i sëmurë dhe kërkonte vëmendje dhe kujdes gjatë 24 orëve të ditës. “Sindroma e tërheqjes së qenit, e para për ne… Ishte e qartë se ai vuante nga simptoma që tregonin për tërheqjen e alkoolit”, tha në një deklaratë organizata bamirëse e ristrehimit të kafshëve. “Si arriti Coco në një pikë të tillë? Askush nuk e di se si këta qen janë futur në situatën me alkoolin”, thonë nga organizata. Por Kirstin Stone, një punonjëse e strehës, ka teorinë e mëposhtme, sipas BBC: “Mund të jetë që menjëherë pasi, le të themi, pronari ka pirë një pije dhe sapo ka fjetur dhe qentë mund ta kenë pirë atë, por thjesht nuk i dimë”. Megjithatë, Stone donte të theksonte se kafshët ishin “shumë të dashura” dhe ishin “shumë të kujdesshme”, sepse “ai është shumë i stërvitur dhe i pëlqen të përqafohet”.
Megjithatë, lajmi i mirë nuk ka vonuar shumë. Pas katër javësh nën qetësim “për të lehtësuar sindromën e tërheqjes dhe për të zvogëluar rrezikun e sulmeve të reja”, Coco nuk po merr më ilaçe dhe fillon të sillet si një qen normal. Megjithatë, ai nuk është ende gati për birësim dhe pronari i ardhshëm duhet të jetë “dikush që është shumë në shtëpi”, sipas Stone. Pas bujës së shkaktuar nga rasti, Woodside Animal Welfare Trust ka publikuar një imazh të ri të Coco-s në rrjetet e saj: “Historia e Coco-s tonë të dashur duket se po bëhet virale dhe po përhapet në të gjithë botën. ku jeni ju? A keni lexuar për qenin tonë të bukur dhe historinë e tij?
