Sipas MPB, alarmet për bomba në shkollat në Shkup janë alarme të rreme.
Janë bërë të gjitha kontrollet e nevojshme në lidhje me raportimet e sotme nga shkollat e Shkupit (dy shkolla fillore dhe 14 shkolla të mesme), pas mesazheve të pranuara në adresat elektronike me kërcënim për mjet shpërthyes, dhe është konstatuar se këto janë alarme të rreme,
Kryeministri Dimitar Kovaçevski i ka quajtur procedurë normale thirrjet e ambasadave të huaja që qytetarët e tyre të kenë kujdes gjatë udhëtimit në Maqedoninë e Veriut.
Kryeministri ka njoftuar se do të mbahet një takim koordinativ i shërbimeve të sigurisë, ku do të bisedohet për situatën rreth alarmeve të rreme për bomba.
“Ne sot do të kemi një takim koordinativ të shërbimeve të sigurisë ku do të bisedohet për këto probleme, edhe pse në nivel ditor po bisedohet dhe sikurse deri tani do të ndërmerren masa për të mbrojtur qytetarët”, tha Dimitar Kovaçevski.
Java filloi pa alarme për bomba, por vendi me muaj po ballafaqohet me alarme të rreme duke shkaktuar frikë e kaos me evakuimin e nxënësve nga shkolla, punëtorët nga qendrat tregtare e qytetarët nga ndërtesa banimi.
a.m/dita
Dora e serbise eshte ne cdo ngjarje te tille ne ballkan