Këtë të martë është nënshkruar në Romë dokumenti përfundimtar i marrëveshjes për njohjen e pensioneve Shqipëri-Itali nga ministrat e Jashtëm të dy vendeve, Igli Hasani dhe Antonio Tajani.
Nga njohja reciproke e pensioneve përfitojnë mbi 500 mijë shqiptarë dhe italianë.
Hasani e ka cilësuar si “një moment të rëndësishëm për dy vendet pas 15 vitesh përpjekje“, duke i shprehur mirënjohjen homologut italian për kontributin e tij.
“I uroj gjithë të mirat atyre që do përfitojnë nga ky protokoll”, ka deklaruar ministri.
Ministria për Europën dhe Punët e Jashtme bën të ditur se marrëveshja vjen si një detyrim dhe e drejtë ndaj qytetarëve shqiptarë, italianë dhe italo-shqiptarë, të cilët kanë punuar me përkushtim për 30 vjet dhe kanë kontribuar në ekonominë dhe përparimin social të të dy vendeve tona.
Përmes marrëveshjes, do të mbulohen pensionet e pleqërisë, sigurimet për përfitimet për sëmundjet, si dhe sigurimin për papunësinë si për shqiptarët që jetojnë në Itali, ashtu edhe për shtetasit italianë që jetojnë e punojnë në Shqipëri dhe derdhin kontributet e tyre këtu.
Pas firmosjes, marrëveshja para se të hyjë në fuqi duhet të kalojë për ratifikim në Kuvendet respektive.
j.l./ dita
Faleminderit, ju befte dita 1000 thote populli
Detajet kur do ti marrim vesh? Vetem tituj gazete deri tani
Shqiptar, (qe nuk besoj se do jesh shqiptar ) edhe Rames edhe ty qe komenton si patronazhist e enverist ju shkurtofte dita. Per kete ligj shqiptaret paten nevoe 10-15 vjet me pare por tani shumica e shqiptareve nuk kane nevoje per kete ligj.Me kete ligj jo 500000 vete por as 15000 vete nuk fitojne. Bejini mire llogarite. un me 20vite pune kam dale ne pension 67 vjeç dhe kjo marreveshje vetem kete rendesi ka qe per nje njeri qe ka psh, 15 vite ne Shqiperi dhe disa vite neItali kur mbush moshen 67 vjeç mer pension ne Itali sipas kontributeve dhe viteve qe ka punuar ne Itali por ama pensioni nuk i digjet se po si mori 67 i mer 71 kurse tek ne po s’pate minimumi 15 vjet nuk mer asnje lek,kjo eshte vjedhje.