Nostradamus duket se ka parashikuar edhe evente sporti, sin ë Champions League të këtij sezoni, nëse një profecitë do interpretohet me gjuhën e futbollit. Duhet pasur parasysh se ato datojnë nga shekulli i 16-të, kur mjeku dhe filozofi francez botoi librin me parashikime për mijëra vite. Ndër sukseset më famëkeqe janë vrasja e John F. Kennedy, shkatërrimi i Kullave Binjake në Nju Jork, Luftërat Botërore, Luftërat Napoleonike, ose vdekja e Elizabeth II.
Janë dy kuadrate të Nostradamusit, që shumë i lidhin me rezultatin e turneut të Champions League 2023, pasi kodet dhe epitetet korespondojnë me skuadrat e gjysmëfinales. Ato janë si më poshtë:
“Fryma e mbretërisë do të sfidohet ashpër dhe popujt do të ngrihen kundër mbretit të tyre. Paqja u përtëri, ligjet e shenjta u përkeqësuan, pasi u rrëmbyen dhe u futën në frikë të madhe”. Interpretimi, natyrisht, shpjegon se si disa skuadra u zbuluan përpara mbretit të kompeticionit (që është Real Madridi, 14 trofe), duke sfiduar mbretërimin e tij. Domethënë duke e mundur atë. Gjëja më kurioze është vazhdimi i profecisë. “Monarkia do të mërzitet nga Marsi, e peshkatarit të madh në konfuzion rrënues. E kuqja e zezë do të marrë hierarkinë, tradhtarët do të mbërrijnë në një ditë me shi”.
Po, e zeza dhe e kuqja do të marrin hierarkinë. Me fjalë të tjera, Milani do të jetë kampion i Europës, pasi njihen ndryshe me epitetin kuqezinjtë nga fanela. Finalja duket se do të jetë kundër Cityt, përveç kësaj, pasi do të jetë Marsi, perëndia i luftës, ai që i jep fund aspiratave të mbretit (Madrid). Për më tepër që pikërisht sot e Martë luhet edhe ndeshja e pare. Do pritet vetëm rezultati dhe nëse moti do jetë vërtetë me shin ë një nga dy takimet ku ‘mbreti do bjerë’
Ka nga ata që tregojnë se Marsi është një referencë për perëndinë nordike të luftës Tyr, i cili i mishëruar në figurën e Haaland (Norvegji, vendi i vikingëve dhe Odinit), do të ishte ai që do të largohej nga “monarkia e pakënaqur”. Do të shohim nëse do të përmbushet… apo nëse urrejtësit e Nostradamusit kanë arsye për ta sulmuar përsëri.
