Ministrja për Infrastrukturën dhe Energjinë, Belinda Balluku tha për mediat se nesër qeveria do të prezantojë paketën e re për energjinë që do të aplikohet nga 1 tetori.
E pyetur në lidhje me deklaratën që Rama dha disa ditë më parë për ndërprerjeje të energjisë elektrike pas orës 22:00, Balluku sqaroi se qeveria nuk ka në plan të ndërpresë energjinë elektrike pas orës 22:00.
Ajo tha se po shqyrtohet plani që pas orës 22:00 të darkës të ndërpritet ndriçimi publik, ashtu sikur se Gjemani dhe disa vende të BE-së kanë nisur të aplikojnë.
“Nuk me rezulton të ketë masa për ndërprerjeje të energjisë pas orës 22:00. Pas orës 22:00 kërkohet ndërprerja e ndriçimit publik. E ka nisur Gjermani po e aplikojnë dhe shtete të tjetra.
Nesër do të bëjmë prezantimin e paketës për energjinë për sa i përket fashës 800 kwh që do të aplikohet nga tetori”, tha Balluku në daljen për mediat për njoftimin e vendimeve të qeverisë.
j.l./ dita
