“Nuk është e dobishme”, Trump e thotë hapur: Bordi i Paqes mund të zëvëndësojë OKB-në!

Presidenti i Shteteve të Bashkuara, Donald Trump, ka deklaruar hapur se Bordi i Paqes që ai planifikon të krijojë, me shumë mundësi do të zëvëndësojë Organizatën e Kombeve të Bashkuara (OKB).

Pas konferencës për shtyp ku Trump foli për arritjet e qeverisjes së tij 1-vjeçare, ai u pyet nga gazetarët nëse qëllimi i Bordit të Paqes ishte zëvëndësimi i OKB-së dhe presidenti i SHBA-së tha se një gjë e tillë është e mundur.

“Mund të jetë kështu. OKB-ja nuk është shumë e dobishme. Ajo ka potencial, por se kurrë nuk e ka menduar të shkojë tek ata për të zgjidhur ndonjë luftë”, tha Trump.

Më tej ai u pyet se deri ku do të shkonte SHBA-ja për të marrë Groenlandën, por Trump e preu shkurt duke thënë se ‘do ta shihni së shpejti’. Më tej ai theksoi se situata e Groenlandës do të zgjidhet më së miri.

“Siç e dini, po nisem sonte për në Davos dhe kemi shumë takime të planifikuara për Groenlandën. Dhe mendoj se gjërat do të shkojnë mjaft mirë”, tha Trump.

Trump u pyet edhe në lidhje me kërcënimin e tarifës së Groenlandës dhe çfarë ndodh nëse Gjykata e Lartë vendos kundër ligjshmërisë së përdorimit të tarifave ndaj vendeve të BE-së. Trump tha se nëse Gjykata hedh poshtë tarifat, ai do të gjejë diçka tjetër për të ushtruar presion.

“Do të na duhet të gjejmë diçka tjetër. Ajo që po bëjmë tani është mënyra më e mirë, më e fortë, më e shpejtë dhe më pak e ndërlikuar”, tha Trump.

Një gazetar e tjetër e pyeti Trumpin se si do ta karakterizonte marrëdhënien e tij me Keir Starmer dhe Presidentin francez Emmanuel Macron aktualisht, dhe nëse kishte folur me ata që nga postimi i tij në mediat sociale më herët sot.

Trump tha se nuk kishte folur me asnjërin prej tyre, por theksoi se kishte marrëdhënie shumë të mira me ta, pavarësisht se ata sillen të ashpër me të nga telefoni.

“Jo, nuk kam folur me ta, por mendoj se shkoj shumë mirë me ta. Dua të them, ata gjithmonë më trajtojnë mirë. Bëhen pak të ashpër kur nuk jam pranë, por kur jam pranë më trajtojnë shumë mirë. Dhe, e di që më pëlqejnë të dy”, tha Trump.