Dhoma Amerikane e Tregtisë publikoi sot Indeksin e Biznesit për vitin 2021-22, një vëzhgim me 230 anëtarët e saj, sipërmarrje të shumëlllojshme, që përfaqësojnë komunitetin më të madh të biznesit në Shqipëri.
Indeksi vjetor i Dhomës Amerikane të Tregtisë shënoi një përmirësim të klimës së biznesit në krahasim me një vit më parë (+3.77), e lidhur kjo më së shumti me hapjen dhe rimëkëmbjen pas pandemisë COVID 19, kur bizneset u ndërprenë për një periudhë të gjatë.
Por të anketuarit theksojnë se klima e biznesit është një çështje sfiduese për ta, sepse shumica e problemeve të ngutshme janë të vjetra dhe të parregulluara ndër vite.
Autorët e Indeksit theksuan se nuk ka përparim në luftën kundër korrupsionit, monopoleve dhe konkurrencës së pandershme.
Të anketuarit pohojnë se shqetësimet e tyre kryesore e të përhershme, dhe që janë përkeqësuar këtë vit, janë mungesa e punonjësve të kualifikuar, monopolet dhe konkurrenca e pandershme, ekonomia informale, burokracia qeveritare dhe niveli i korrupsionit.
Indeksi thekson se emigrimi i lartë po dobëson fuqinë punëtore, dhe është kthyer në shqetësimin më kryesor të bizneseve aktualisht.
Pjesa dërrmuese e kompanive pohuan se ecuria e tyre po dëmtohet ngaqë e kanë përherë e më shumë të vështirë të gjejnë punonjës të kualifikuar, tregues ky i përkeqësuar me -9 pikë, në krahasim me një vit më parë.
Indeksi regjistron tregues të përkeqësuar më tej edhe sa u përket problemeve të vjetra të klimës së biznesit si monopolet dhe konkurrenca e padrejtë” (-2.95 pikë), korrupsioni (-0.79 pikë), burokracia qeveritare” (-1.64 pikë) dhe zbatimi i ligjeve (-1.32 pikë).
Të anketuarit pohuan se praktikat e drejta, të barabarta dhe transparente janë ende larg nga shpresat e kompanive dhe investitorëve.
Perceptimi i një pjese të madhe të anketuarve është negativ edhe sa u takon politikave dhe shërbimeve bankare, si dhe mbi sigurinë e financimit për zhvillimin e biznesit.
Vlerësimi për marrëdhëniet e biznesit me autoritetet e taskave u përkeqësua (-2.52 pikë), po ashtu si edhe për ministritë (-1.57 pikë).
Indeksi theksoi nevojën urgjente për të luftuar korrupsionin, monopolet, pabarazinë dhe konkurrencën e pandershme dhe ekonominë informale në partneritet midis autoriteteve publike dhe sektorit privat, duke vendosur zgjidhje afatgjata për një klimë të re dhe të qëndrueshme biznesi.
VOA
j.l./ dita
Ku janë këta 230 anëtarë të dhomës së tregtisë amerikane?!… Nuk kam par asnjëherë të publikohen bisneset e këtyre anëtarëve, Gjithmonë kam parë që thonë nuk,… nuk,… nuk,.. janë plotësur kushtet. Një gjë të tillë nuk e kam lexuar nga dhomat e tjera të huaja në vendin tonë. Ka një gatishmëri për t’i propaganduar këto “përfundime” urgjentisht nga VOA.
Çfarë presin këta? Të plotësohen kushtet si në SHBA?! Atëherë këtyre nuk do u vij radha kurrë të bëjnë bisnes në Shqipri sepse pas 100 vjetësh nuk do të jetë asnjë gjallë normalisht, natyralisht.
ME KETA HORRA E QORRA
QE KANE NE DORE FRONIN E TIMONIN
MENDONI SE DO TE KETE PERPARIM
NGRINI POCE E KERCENI ME MIRE NAPOLONIN
Dhaka amerikane e tregetise ka penguar tregetine e lire te shqiptarve dhe eshte me e koruptuar a ne Shqiperi qe nepermjet presion e e ndaj qeverise ka perfituar me rruge te pa ndershme millions dhe Nuk ka ndonje bisnes te dukshem vetem i ve shkopinj ne trots qeverise dhe perfitoi nga parate e posts te opozites qe ka vene me krim dhe korupsion dhe eshte deklaruar nga departamenti i shtetit non grata.
Dhoma amerikane e tregetise ka penguar tregetine e lire te shqiptarve dhe eshte me e koruptuar a ne Shqiperi qe nepermjet presion e e ndaj qeverise ka perfituar me rruge te pa ndershme millions dhe Nuk ka ndonje bisnes te dukshem vetem i ve shkopinj ne trots qeverise dhe perfitoi nga parate e posts te opozites qe ka vene me krim dhe korupsion dhe eshte deklaruar nga departamenti i shtetit non grata.