“Nuk është bllokuar gjë”, Rama për negociatat: Njerëzit e ligj përdorin shqiptarët si mish për top ndaj qeverisë

Kryeministri Edi Rama foli sot me fermerët e Lushnjës në fshatin Krutje.

Rama u shpreh se fermerët duhet të bashkëpunojnë me qeverinë, për shitjen e produkteve të tyre në treg, teksa kritikoi atë që e quajti lukuninë e tenxhereve që nxisin sherr dhe debat të kotë.

Kryeministri theksoi se fokusi i qeverisë është që të nxisë ata fermerë që duan të rriten, të rriten.

“Protagonistët në këtë tokë që kanë marrë përsipër krijimin e një shoqërie të bashkuar bujqësor. Theksoj se përtej të gjitha shifrave, financimeve, të cilat flasin vetë deri në një pikë të caktuar, thelbi që duhet të biem dakord së bashku, jo me ata që e shohin bujqësinë nga tenxheret apo nga gjithë ai Pazar i madh i thashethemeve të Tiranës, por së bashku me gjithë ata që e shohin bujqësinë si mundësinë e tyre për jetën dhe mirëqënien, duhet të biem dakord se nuk është paraja çështja jonë kryesore sot. Ka qenë por jo sot. Sot është çfarë duhet të bëjmë për të siguruar paranë për të ecur para.

Koha tanimë nuk pret. Kemi shumë vite që flasim por ndeshin në murin e paragjykimit të bashkimit, jo kooperativa. Vetëm duke u bashkuar secili 30% më shumë. Llogari e bërë. Nuk e kam bërë unë. 30% fitohet duke u bashkuar. Ja ku është Dhimo Kotja pioner i bashkimit. Kam mësuar thelbin, vetëm në prodhim, bashkë në shitje. Praktika shumë e thjeshtë, secili tokën e vet. Por kur del në treg krijon masë fuqi negocimi për çmimin. Qëndrueshmëri. Kur është vetëm me arkat me domate dhe duhet ta shesi si ajo shprehja delen që ndahet nga tufa e ha ujku. Fokusi të stimulojnë ata që duan të rriten, jo vetëm të prodhojnë por edhe të përpunojnë. Dje folëm në Berat për naftën. E neveritshme se si për hir të një lufte të verbër as politike, por tribale, angazhohet një lukuni e tërë tenxheresh për ta nxjerrë nga konteksti atë që themi. “Jepni naftë jepni naftë”, tha ai.

Rama kritikoi edhe qëndrimet publike të PD dhe opozitës që shprehin publikisht se negociatat me BE-në janë të bllokuara prej dosjes Balluku dhe mbrojtjes së mazhorancës ndaj ish-zv.kryeministres.

Rama theksoi se nuk ka asnjë bllokim, ndërsa opozita i kujton shqiptarët për budallenj që u ka ngecur ora te “toka e xanun” apo “merrni armët”.

“Nuk është bllokuar asgjë, e keni dëgjuar ambasadorin. Një pjesë e tyre që i thonë këto, i dinë si janë, por janë të ligj, i përbuzin shqiptarët, mendojnë se u ka mbetur ora te “toka e nxanun” dhe “merrni armët”. Nuk e dinë që shqiptarët janë shumë më përpara sesa gazetarët dhe politikanët dhe nuk e dinë që japin ujë në bisht të lugës. I marrin për budallenj, i trajtojnë për mish për top dhe thonë se u bllokuan; nuk u bllokua gjë, sepse janë negociata dhe ato janë bisedime. Ajo që dua të them është që kjo gjë do të ndodhë shpesh.

Ça u bllokua? Nuk është bllokuar asgjë se janë negociata. Gjëja do ndodhi shpejt. Një gjë që negociojë sa vite do na lini që t’i lemë fermerët tanë të adaptohen. Nëse hyjmë në 2030 më pak se 5 vjet, fermerët tanë nuk adaptohen dot. Do duhet të mbeten pa asgjë. Sa vite do na lini? Kjo është negociata. Kemi arritur të marrim premtim që sigurisht që do nënshkruhet se do shtyhet edhe 5 vjet të tjera lehtësie. Janë më pak se 10 vite, ikin shpejt”, u shpreh Rama.

j.l./ dita