Ka nisur numërimi i votave të diasporës në parkun olimpik “Feti Borova”, po numërohen të ndara sipas qarqeve, por pa ato të Greqisë.
Momentalisht mësohet se janë numëruar deri më tani 1660 vota të diasporës, të dërguara me zarfa, ku Partia Demokratike-ASHM po kryeson deri më tani me 43,95%, ku ka arritur të marrë 726 vota.
PD-ASHM ndiqet nga Partia Socialiste me 42.68 % të vota, ose 705 vota në total.
Për shkak të lodhjes së numëruesve, numërimi i votave të diasporës u ndërpre për të bërë një pushim dhe do të rinisë sërish në orën 10:30.
Sipas informacioneve nga Komisioni Qendror të Zgjedhjeve, 78.03% e diasporës së regjistruar për votim, ka votuar në këto zgjedhje parlamentare.
Zarfet e ardhur në KQZ janë 191.912 nga 245.935 që u shpërndanë në total për shtetas shqiptarë që jetojnë jashtë vendit.
