Nxënësit shqiptarë renditen të fundit në një klasifikim që ka bërë Programi për Vlerësimin Ndërkombëtar të Studentëve (PISA) për aftësinë e të menduarit në mënyrë krijuese.
PISA ka matur aftësitë e nxënësve 15 vjeçarë për të menduar në mënyrë krijuese si një mënyrë për të vlerësuar aftësinë e tyre për t’u angazhuar në mënyrë produktive në gjenerimin, vlerësimin dhe përmirësimin e ideve.
Shqipëria renditet e fundit me 13 pikë në një listë prej 64 vendesh, e cila kryesohet nga Singapori me 41 pikë. Mesatarja e vendeve të OECD ka rezultuar 33 pikë.
Singapori ndiqet nga Koreja e Jugut, Kanadaja, Australia dhe Zelanda e Re.
Ndërsa Shqipëria renditet e fundit pas Autoritetit Palestinez, Republikës Domenikane, Marokut, Uzbekistanit dhe Filipineve.
