Ambasadat reaguan njëzëri dje duke dënuar aktet e dhunës të militantëve të Rithemelimit para Bashkisë Tiranë, por kjo duket nuk u ka pëlqyer fort drejtuesve të fraksionit që drejtohet nga Sali Berisha.
Një letër për ambasadat është nisur në emër të Aleancës për Mbrojtjen e Teatrit.
Është një sekret publik që pas këtij emri fshihet Adriana Kalaja, zyrtarisht e PD-së së Rithemelimit, e pas saj vetë Sali Berisha.
Në letër shkruhet:
“Reagimin tuaj e gjejmë jo vetëm të pavend, por edhe të nxituar nga ana diplomatike dhe dy janë konkluzionet: o jeni hipokritë, o jeni dakordësuar me pushtetarët mafiozë shqiptarë, të cilët nuk kanë skrupuj të korruptojnë të gjithë ata, që i pengojnë në rrugën e tyre të pasurimit të paligjshëm dhe të mosrespektimit të ligjit.”
Kujtojmë se Sali Berisha është shpallur “non grata” si nga SHBA, ashtu edhe nga Britania e Madhe pikërisht për korrupsion madhor, po ndërkohë krimet që rëndojnë mbi të në 30 vjet “tranzicion” janë shumë më të rëndë se kaq.
Në foto, Kalaja duke u betuar për besnikëri te penxherja e Saliut.
j.l./ dita