OBSH: Jetët e miliona njerëzve në Ukrainë janë në rrezik gjatë dimrit!

Organizata Botërore e Shëndetësisë ka deklaruar se jetët e miliona njerëzve do të jenë nën kërcënim në Ukrainë këtë dimër.

Gjysma e infrastrukturës energjetike të Ukrainës është ose e dëmtuar ose e shkatërruar dhe aktualisht 10 milionë janë pa energji, tha Dr Hans Henri P Kluge, drejtor rajonal i OBSH-së për Evropën.

Temperaturat parashikohet të bien deri në -20C në disa zona.

OBSH ka dokumentuar 703 sulme në infrastrukturën shëndetësore që nga fillimi i pushtimit rus.

Javën e kaluar, Rusia goditi më shumë instalime energjetike dhe ndërtesa civile në një nga bombardimet e saj më të rënda ajrore të luftës.

Kjo ka qenë një taktikë ruse e kohëve të fundit

Pas pengesave në fushën e betejës, taktika e Rusisë është përqendruar në shkatërrimin e infrastrukturës energjitike me qëllim gjunjëzimin e Ukrainës gjatë dimrit të ftohtë.

“Thënë thjesht, ky dimër do të jetë rreth mbijetesës”, tha Dr Kluge në një konferencë shtypi në kryeqytetin ukrainas të Kievit.

Sistemi shëndetësor i Ukrainës “po përballet me ditët e tij më të errëta që nga fillimi i luftës luftës”, shtoi ai.

Për shkak të sulmeve, qindra spitale dhe objekte të kujdesit shëndetësor “nuk janë më plotësisht funksionalë, nuk kanë karburant, ujë dhe energji elektrike për të përmbushur nevojat bazë”, tha ai.

Repartet e maternitetit kanë nevojë për inkubatorë, bankat e gjakut kanë nevojë për frigoriferë dhe shtretërit e kujdesit intensiv kanë nevojë për ventilatorë, tha ai, duke shtuar se “të gjitha kërkojnë energji”.

Deri në tre milionë njerëz mund të largohen nga shtëpitë e tyre në kërkim të ngrohtësisë dhe sigurisë, deklaron OBSH.

a.m/dita