Një oligark rus i është drejtuar Bashkimit Europian me një lutje për të rimarrë superjahtin e tij me vlerë prej 225 milion paundësh, i cili është bllokuar si pjesë e sanksioneve të Perëndimit ndaj Moskës dhe personave të lidhur me regjimin atje.
Farkhad Akhmedov, 66 vjeç, ka depozituar dokumente ligjore në Bruksel duke kërkuar që të hiqen sanksionet e vendosura ndaj tij si shkak i nisjes së agresionit rus në Ukrainë. Superjahti është tashmë i bllokuar nga shteti gjerman, që nga marrja e vendimit për bllokimin.
BE-ja argumenton se Akhmedov, i cili fitoi pasurinë e tij prej 1 miliardë paundësh përmes aksioneve në një kompani gazi siberiane, përfiton nga qeveria ruse, duke siguruar gjithashtu të ardhura për Putinin për të vazhduar luftën e tij.
Ekipi ligjor i Akhmedov nga ana tjetër pretendon se ai nuk ishte fare afër Kremlinit dhe nuk ka qenë kurrë pjesë e rrethit që rrethon Presidentin Vladimir Putin.
Avokatët argumentojnë se Akhmedov në fakt është përfshirë në një mosmarrëveshje ligjore me furnizuesin më të madh rus të gazit, Gazprom, dhe ka qenë i përfshirë prej disa vitesh.
Nuk është hera e parë që jahti, i cili ka një gjatësi prej 377 metrash, dy platforma helikopterësh, një pishinë dhe mini-nëndetësen e tij, është pjesë e mosmarrëveshjeve.
Hera e parë ka qenë kur në divorcin e oligarkit me ish- bashkëshorten Tatiana, jahti u mendua të përdorej për të shlyer shifrën e lartë të kostove të gjyqit dhe dëmshpërblimin që fitonte Tatian nga divorci.
Tatiana ka përfituar në 2016-ën me 453 milionë paund, një nga shifrat më të mëdha të dhëna për një divorc nga gjykatat britanike, ku edhe ndodhi zgjidhja e martesës.
Në vitin 2017, një gjykatës e urdhëroi atë t’i dorëzonte rreth 40 për qind të pasurisë së tij ish-gruas së tij, ose një shumë totale prej rreth 453 milionë paundësh.
Akhmedov refuzoi të paguante, duke thënë se çifti tashmë ishte divorcuar në Rusi disa vite më parë dhe gjykatat e Mbretërisë së Bashkuar nuk kishin juridiksion. Kjo shkaktoi një luftë ligjore pesëvjeçare në të cilën Tatiana mblodhi ekipe specialistësh, duke përfshirë ish-anëtarë të Shërbimit Special të Boatit të Marinës Mbretërore, për të ndjekur dhe sekuestruar asetet që ajo tha se duhet t’i përkisnin asaj.
Superjahti, i cili fillimisht ishte ndërtuar për Roman Abramovich, është blerë nga Akhmedov në 2014.
j.l./ dita
