Policia e Shtetit ka vijuar punën për zbulimin e parcelave me kanabis dhe asgjësimin e tyre.
Vetëm gjatë ditës së sotme policia ka ndërmarrë 4 operacione në veri të vendit: Velipojë. Lezhë, Mat dhe Krujë.
Në total janë asgjësuar 1528 rrënjë kanabis.
Si rezultat i kontrolleve të ushtruara në kuadër të operacionit policor antikanabis të koduar “Kreshta të pastra”, në vendin e quajtur “Maja e Manjolës”, në fshatin Selicë, u gjetën të kultivuara 164 bimë të dyshuara narkotike cannabis sativa, të cilat u asgjësuan me anë të djegies.
Si rezultat i hetimeve dhe provave të sekuestruara për këtë rast, u identifikua u shpall në kërkim shtetasi F.E., 44 vjeç, banues në Krujë, autori i dyshuar i kultivimit të bimëve narkotike, për të cilin vijojnë kërkimet, me qëllim lokalizimin dhe kapjen e tij.
Bimë narkotike gjenden të kultivuara në parcela në tokë pyjore edhe në fshatin Kaluer, Lezhë dhe fshatin Gërnac, Kurbin, në total 600 bimë cannabis sativa, të cilat asgjësohen me anë të djegies.
Gjithashtu janë asgjesuar 494 fidanë me kanabis sativa në fshatrat e Krujës. Forcat e Policisë zbuluan 16 parcela me bimë narkotike në fshatrat Brret dhe Picrrage, Krujë, 16 ambiente të hapura ku kultivoheshin bimë narkotike.
j.l./ dita
