Zbardhen detaje të reja sa i takon aksionit blic të zhvilluar mbrëmjen e djeshme në Vlorë ku u arrestuan 6 persona në operacionin e koduar “Obelisk”.
Policia sqaron se ka sekuestruar 2 pistoleta, fishekë, 3 automjete, 2600 euro dhe 8 celularë. Operacioni, në vijim të operacioneve të njëpasnjëshme për parandalimin e ngjarjeve kriminale dhe për goditjen e grupeve kriminale.
Ndërhyrja e menjëhershme e shërbimeve, në bazë të inteligjencës policore, parandalon një ngjarje të mundshme kriminale kundër personit, e cila do të kryhej me disa armë zjarri.
Të armatosur në një lokal, me 2 pistoleta të gatshme për qitje, kapen në flagrancë dhe vihen në pranga 2 shtetas, pjesëtarë të një grupi kriminal të rrezikshëm. Në pranga dhe 4 shtetas të tjerë, për moskallëzim të krimit, 3 prej të cilëve pjesë e grupit kriminal me 2 shtetasit e armatosur.
Emrat e të arrestuarve:
Satilno Basho
Mariglen Aliaj
Bruno Shehu
Mehmet Hoxhaj
Beraldo Xhindi
Kevin Metaj
