Kryetarja e Kuvendit, Lindita Nikolla ka zyrtarizuar mbajtjen e seancës parlamentare të radhës. Sipas urdhrit të Nikollës, seanca e radhës e Kuvendit do të zhvillohet të hënën më datë 13 Shkurt, ora 17:00.
Ky konfirmim vjen pak orë pasi opozita njoftoi mbajtjen e protestës së radhës përpara këtij institucioni ditën e seancës.
Veç protestës jashtë parlamentit edhe brenda sallës pritet që atmosfera të jetë e nxehtë pasi deputetët e opozitës kanë paralajmëruar që nuk do të lejojnë të zhvillohen punimet normalisht nëse kryeministri Edi Rama nuk do të jetë i pranishëm t’iu përgjigjet pyetjeve për skandalin McGonigal.
m.b./dita
