Ka miliona trupa që popullojnë sistemin tonë diellor. Ndaj është e zakonshme të ngatërrosh konceptet e asteroidit, kometës dhe meteoritit. Është ende e vështirë t’i dallosh ato në kozmos, edhe për komunitetin shkencor më të përgatitur.
‘Phaeton’ është një objekt vërtetë i çuditshëm kozmik. Në vitin 2009, falë satelitëve STEREO Mission, bishti i ‘Phaethon’-it u vëzhgua teksa “sulmonte” Diellin.
Kur i afrohej Diellit, ai lëshonte pas një gjurmë dhe ndizej. Ky quhet “zgjim”. Për shkak të kësaj sjelljeje për vite me radhë, besohej se ai ishte një kometë. ‘Phaethon’, si për të ngatërruar më tej astronomët, ishte vënë në dukje edhe si burimi i shiut vjetor të meteorëve.
Por siç ndodh zakonisht në çdo degë të shkencës, ‘të vërtetat janë të vërteta derisa të pushojnë së qeni të tilla’.
Në vitin 2018, vëzhgimet nga Sonda Diellore Parker raportuan të dhënat e para të reja për ‘Phaethon’. Dhe këtu nisën dyshimet e para, sepse Parker tregoi një element: natriumin. Në 2022, përmes sondës së Observatorit Diellor dhe Heliosferik, u konfirmua se elementi që përbënte bishtin e “Phaeton” ishte natriumi dhe jo pluhuri.
A e bën kjo Paethon-in një asteroid? NASA në një nga publikimet e saj të fundit, thotë se sjellja e tij kur i afrohet Diellit vazhdon të jetë shumë e pakrahasueshme me objekte të tjerë.
Qicheng Zhang, një student i diplomuar në Institutin e Teknologjisë në Kaliforni, ka publikuar një studim së fundmi në Planetary Science Journal. “Mund të jetë çelësi për identifikimin e trupave të tjerë qiellorë, – thotë Zhang dhe shton: “Shumë nga këto ‘kometa’ që rrethojnë Diellin mund të mos jenë ‘kometat’ e zakonshme që njohim deri tani, por objekte ende të panjohur nga ne, që e marrin energjinë nga Dielli.
a.q. / dita
