Deputetja e Partisë së Lirisë, Monika Kryemadhi ka reaguar ndaj lajmit të publikuar sot nga kanali Top Channel mbi disa llogari bankare dhe pagesa të dyshimta nga kompani offshore të kontrolluara nga biznesmenë rusë. Ajo thotë se nuk janë të vërteta duke i paralajmëruar për përballje në gjykatë.
“Me shkrime, kronika dhe TV që financohen nga para të vjedhura nga shqiptarët, ka vetëm një rrugë dhe ajo është rruga gjyqësore. Shihemi në gjykatë”-shkruan Kryemadhi.
TCH ka publikuar sot dokumente për ato që i quan lidhjet ruse të Monika Kryemadhit. Më poshtë pjesë nga raportimi:
“Në adresën zyrtare të Top Channel, ka mbërritur prej disa ditësh një e mail me të dhëna sensitive që flasin për përfshirjen e Monika Kryemadhit, ish-kryetare e LSI, në financime dhe pagesa të dyshimta nga kompani off shore të kontrolluara nga biznesmenë rusë të naftës.
Në djeninë tonë, këto të dhëna janë dërguar edhe në media të tjera në Shqipëri dhe jo vetëm. E maili është anonim, i dërguar nga platforma proton, por pas verifikimit dokumentet janë autentike. Ato tregojnë detajet dhe provat e lidhjeve ruse, të Kryemadhit me kompanitë që janë denoncuar si sponsorë të partisë së Vladimir Putinit në Rusi.
Dosja përmban fakte të pagesave të dyshimta, të bëra dhe të marra nga Monika Kryemadhi, politikane shqiptare dhe bashkëshortja e ish-presidentit të Shqipërisë, Ilir Meta. Faktet e zbuluara tregojnë se në vitin 2017, Kryemadhi ka bërë dhe ka marrë këto pagesa të dyshimta nga llogaria e saj bankare offshore për kompanitë e kontrolluara nga biznesmenët rusë të naftës”.
m.b./dita
Me kete ceshtje duhet te merret urgjentisht SPAK, Gjykata e Larte, Kuvendi dhe Presidenti i Shqiperise, Kurre me pare se sot ne Shqiperi nuk ka qene me e fuqishme dora shkaterruese e agjentures serbo-ruse.
Po SPAK c’pret te hape hetim?! Ka nje indicie, e vertete apo jo eshte detyre e saj ta vertetoje.