Vetëm pak ditë pas lirimit nga qelia, sot është paraqitur në SPAK, Pandeli Kokaveshi, bashkëpunëtori i Fredi Belerit, i arrestuar dy ditë para zgjedhjeve të 14 majit.
Në datën 1 qershor, Gjykata ka vendosur të lirojë nga qelia nën masën e sigurisë ‘detyrim paraqitje’ Pandeli Kokaveshin, i cili u vu në pranga për të njëjtën akuzë si Fredi Beleri, për blerje votsh.
Shkak për këtë vendim është bërë gjendja shëndetësore e Kokaveshit.
Gjatë seancës gjyqësore, avokati Marsel Zhupi ka deklaruar se Kokaveshi ka bërë transplant zemre një vit më parë dhe sipas tij duhet ndjekur nga mjekë të huaj.
Pandeli Kokaveshi është filmuar duke dhënë 400 mijë lekë për 8 vota.
Personi që ka marrë paratë ka qenë i infiltruar nga policia dhe Prokuroria.
j.l./ dita
