Kreu i KQZ-së, Ilirjan Celibashi ka zbuluar dakordësimin mes dy partive politike PS dhe PS për ndryshimet në Kodin Zgjedhor lidhur me votën e diasporës që do t’i paraqiten ditën e sotme Kuvendit të Shqipërisë.
Komisioni Qëndror i Zgjedhjeve ka bërë tre propozime për ndryshimet në Kodin Zgjedhor.
Gjatë daljes për mediat, Ilirjan Celibashi ka theksuar se KQZ-ja ka propozuar të bëjë prokurimin për vajtje-ardhje të fletës së votimit në diasporë. Një tjetër propozim i KQZ-së është rishikimi i afateve për fletën e votimit, ku të afrohet më 10 ditë regjistrimi i kandidatëve. Ndërkohë që propozimi i fundit është për vlerësimin e fletës së votimit, ku në numërimin e votës së diasporës të përfshihen dhe partitë politike.
“Janë rreth 42 055 kërkesa të paraqitura deri tani në sistemin PER. Janë shqyrtuar 28 462, janë 18 mijë zgjedhës të regjistruar, Kjo është shifra që tregon se sa është shifra sa zgjedhës nga jashtë do të votonin sot.
Ndërkohë gjatë ditës së sotme do t’i përcjell Kuvendit, dhe për dijeni partive parlamentare, një propozim për disa ndryshime teknike të Kodit Zgjedhor që konsistojnë, e para në dhënie të të drejtës për KQZ për të prokuruar shërbimin e dërgimit të pjesës postare si në shkuarje ashtu edhe në kthim mbrapsht të fletëve të votimit.
Kjo dhe për faktin që në ligjin për buxhetin është përcaktuar edhe një buxhet që do të paguajë kostot për dërgimin e fletëve të votimit nga KQZ tek votuesit jashtë dhe kthimin mbrapa në KQZ.
Rishikimin e afateve që lidhen me regjistrimin e subjekteve zgjedhore dhe kandidatëve me qëllim për të përfituar edhe 10 ditë më shumë në dispozicion për të përgatitur ashtu sikurse duhet dhe pa e vendosur në rrezik procesin e përgatitjes së fletëve të votimit dhe dërgimit të tyre tek votuesit nga jashtë.
Gjithashtu pas konsultimeve të bëra me përfaqësuesit e dy partive kryesore politike PS dhe PD, si dhe në vlerësim të gjithë aspekteve të numërimit të fletëve të votimit, do ti propozoj Kuvendit që të ndryshojë Kodin Zgjedhor përsa i përket strukturës që do të merret me vlerësimin dhe numërimin e fletëve të votimit.
Duke qenë se ky proces zhvillohet për herë të parë e ka themelore besimin e të gjitha palëve, do të ishte e udhës që në procesin e vlerësimit dhe numërimit të fletëve të votimit të përfshihen edhe partitë politike, veçmas KQZ. Në këtë mënyrë tejkalon edhe ngërçin e momentit të shqyrtimit nga Komisionit Rregullator të aktit që lidhet me procedurën e numërimit dhe vlerësimit të fletëve të votimit dhe mendoj se propozimi i konsultuar, thuajse i dakordësuar në parim me përfaqësuesit e partive politike, adreson shqetësimet e gjithkujt ndaj besimit për procesin e vlerësimit dhe numërimit të votave”, tha Celibashi.
j.l./ dita
Teper vone tani, po nuk do te ishte mire qe votuesit te kishin mundesi te votonin elektronikisht. Ju i approvuat online, perse nuk i jepni mundesi te votojne ne kete menyre. Sa e sa transaksion qofte dhe bankare behen nepermjet kompjutrit, dhe relativisht jane te sigurta. Perse kjo jo?
Ndoshta ky amendamenti nuk do te ishte i nevojshem, qe perfshin dhe partite ne numerimin e votave. Sa per kurizitet, me kete ligjin egzistues votat e emigranteve i numeron komision, keto partite qe thirren me cfare statusi thirren, fjala vjen si vezhgues apo anetar komisioni? Keto partite e vogla do te kene mundesi te perfaqesohen? Apo do u lihet dy hienave te ndajne prene.