Kryetari i Partisë Socialiste Edi Rama ishte sot në një bashkëbisedim me biznesin në Elbasan për ‘Paqen Fiskale’.
Sipas kreut të PS, kjo paketë e veçantë i jep bizneseve mundësinë për të mbyllur çështjet e së kaluarës dhe për të pasur një marrëdhënie të re, më të drejtë dhe më të parashikueshme me shtetin.
“Tatim fitim për kompanitë e kemi vendosur 15% dhe nuk do ta prekim, por në akseptin e administrimit e dimë që kemi të meta dhe boshllëqe, ashtu siç e dimë që kemi hapësirë të pashkelur për të rritur të ardhurat për shtetin.
Ne nuk duam të synojmë rritjen e të ardhurave duke ushtruar presion mbi sipërmarrjen, ndaj kemi menduar një plan që bazohet në një princip, plan paqeje fiskale. T’i japë sipërmarrjes më shumë dëgjim dhe mirëkuptim, kjo është detyra”, tha Rama.
Ndërkohë Delina Ibrahimaj, ministre Shteti për Sipërmarrjen dhe Klimën e Biznesit, sqaroi detaje mbi këtë paketë.
“Është një marrëdhënie e re që ne duam të vendosim me biznesin dhe tatimpaguesit, biznesit i jepet e drejta të rregullojë marrëdhënien që ka në të shkuarën me shtetin.
Ka tre komponentë, tatimi i dakordësuar mbi fitimin, rishikimi i pasqyrave financiare, falja e detyrimeve apo kamatëvonesave.
E para, marrëveshje që do t’i propozohet tatimpaguese, për tre vite, ku në bazë të historikut të fitimit neto të kompanisë, do propozohet një masë tatimi mbi fitimin që do tatohet në masën 15%. Bizneset që do hyjnë nga kjo marrëveshje, do përjashtohen nga çdo kontroll tatimor. Nëse do të deklarojë një të ardhur se ai i dakordësuar me administratën tatimore, përfitimin shtesë do tatohet me 5%.
Komponenti i dytë, të gjitha bizneset që dorëzojnë një deklaratë, u jepet e drejta që të rishikojnë për 5 vite mbrapsht bilancet dhe duke paguar një tatim për 5% për çdo diferencë që rishikohet. Kjo bëhet që biznesi të mbyllë historikun e të kaluarës dhe të ecë sigurtë drejt të ardhmes.
Komponenti i tretë lidhet me detyrimet dhe kamatëvonesat. Vitet e fundit biznesit shqiptar i është dashur të përballojë tërmetin, pandeminë, krizën e çmimeve, ka pasur nga ato që i kanë vuajtur këto kriza globale. Kjo na detyron që të marrim një masë, lehtësimin e atyre detyrimeve.
Propozojmë që të fshijmë të gjitha borxhet, kamatëvonesat të bizneset më të vjetra se 10 vjet. Të fshijmë të gjitha kamatëvonesat dhe interesat që janë ndërmjet 5-10 vjet, e vlefshme dhe për bizneset që në një këst të paguajnë gjithë detyrimin dhe në këtë rast do i falet 50% detyrimit. Ata që s’kanë mundësi, ta paguajnë në 12 muaj dhe t’i falet 25% e detyrimit. Ata që kanë borxhe nga 1 deri në 5 vjet, do t’i japim mundësinë atyre që i paguajnë të plotë për faljen e gjobave dhe kamatëvonesave”, tha ajo.
O rama
Ket qe propozon eshte shtytje per ata qe nuk paguajne
Po i jep te drejte kush nuk ka paguar
Bota per se prapthi
Falen ata qe nuk paguajne
Nuk çmohen ata qe paguajne
Z.Kryeminister, z piktor e z.ish-basketbollist.
Kjo qe thua ti stimulon te parregulltit.
Falas nje version;
Ata qe kane detyrime te papaguara, i mbyllin pa kamate. Ose nqs nuk i mbyllin, do kene tatimin me te larte se ata qe i kane mbylkur ne kohe.
Mbaje sa me ne ekuiliber balancen se po te boshatiset fare Shqiperia nga keto padrejtesite e shtetit.
Njerzit po te ikin nga padrejtesite dhe mungesa e shpreses se triumfit te se drejtes.
Keshillenne ke falas z. Kryeminister/piktor/basketbollist!
Mos paguani me taksa dhe tatime ja hiqni nga goja fëmijëve tuaj ja hidhni qenëve të helmuar
Pse ne artikullin ku behet fjale per fletet e votimit te diaspores nuk lejohen komentet ? Me sa duket keta jane si puna e asaj qe te vret naten e te qan diten ! Mendoj se ku eshte nje talent i qeverive socialiste ne kohe !
Votoni Ramen zoterinj korrupsionista,Evazioanista fiskale,se nuk gjeni tjeter si ky ne faqe te dheut,Taxat,dritat,ujin i paguan populli edhe per Ju. Eshte e vertete qe edhe Berisha i falte detyrimet fiskale,gjobat e bisneseve,po ja merrte KESH ne prag fushate.Ky hic fare,parajsa fiskale.