Ministri i Drejtësisë, Ulsi Manja ka folur rreth hartës së re gjyqësore, të propozuar nga KLGJ-ja dhe tha se nuk do të ketë kthim pas duke kaluar kështu nga miratimi i Ministrisë së Financave në qeveri.
Manja u shpreh se të gjithë diskutimet mbi hartën janë lënv në njv ditë të caktuar dhe se përgjgijet do të jepen nesër në Komisionin e Ligjeve.
“Të gjitha diskutimet mbi hartën kemi lënë një ditë të dedikuar, do të kemi përgjigjet e duhura nesër në Komisionin e Ligjeve. Nesër do të shkojmë në respekt të Komisionit të Ligjeve, pas seancës dëgjimore nesër në Komisionin e ligjeve dhe miratimin nga Ministria e Financave, harta do të shkojë në qeveri për miratim”, tha Manja.
Ndërkohë ai nuk pranoi që të jepte një reagim konkret në lidhje me paralajmërimin e avokatëve, të cilët e kundërshtojnë këtë ligj, për protestë përpara KLGJ-së.
Harta e re Gjyqësore ka shkaktuar kaos në sistemin e drejtësisë në vend. Bojkoti i nisur që më 13 qershor nuk ka ndaluar.
Kreu i Avokatëve Penalistëve, Sajmir Vishaj kërkoi që ministri i Drejtësisë, Ulsi Manja të bëhet negociator mes Këshillit të Lartë të Gjyqësorit dhe avokatëve.
j.l./ dita
