Organizata Botërore e Shëndetësisë (OBSH) aktualisht po monitoron disa variante të coronavirusit, përfshirë variantin e sapo zbuluar EG5, i cili po përhapet në SHBA dhe Britaninë e Madhe, tha sot Drejtori i përgjithshëm i OBSH-së Tedros Adhanom Ghebreyesus.
Ai paralajmëroi se “ekziston rreziku që të shfaqet një variant më i rrezikshëm që mund të shkaktojë një rritje të papritur të rasteve të infeksionit dhe vdekjes”.
Ai shtoi se agjencia do të publikojë një raport të vlerësimit të rrezikut sot, raporton Reuters.
Përveç kësaj, OBSH lëshoi sot një sërë rekomandimesh të përhershme për Covid-19, në të cilat u bëri thirrje vendeve që të vazhdojnë të raportojnë të dhënat për këtë infeksion, kryesisht për vdekshmërinë, dhe të vazhdojnë ofrimin e shërbimeve të vaksinimit.
p.k\dita
