Është zbardhur dëshmia e parë që ka dhënë në Polici efektivi i RENEA-s, i arrestuar një ditë më parë, në makinën e së cilit policia gjeti 113 mijë euro, paund dhe lekë.
Altin Morina ka mohuar akuzën e ngritur ndaj tij dhe ka theksuar se “nuk kam lidhje me asnje grup kriminal”.
Ai ka deklaruar ndër të tjera se “paratë i kam marrë te një mik dhe janë të ligjshme. Paratë janë tërhequr në bankë”.
Altin Morina u prangos mesditën e 14 marsit në zonën e Kodrës së Diellit pasi në makinën “Audi” me të cilën lëvizte, në sedilen e parë të pasagjerit u gjetën të fshehura të mbështjella me qese marketi rreth 113 mijë euro, lekë dhe paund, të cilat u sekuestruan në cilësinë e provës materiale.
Ndaj tij janë ngritur akuzat për veprat penale “Pastrimi i produkteve të veprës penale ose veprimtarisë kriminale”, “Fshehja e të ardhurave” dhe “Shpërdorimi i detyrës”.
j.l./ dita
