Një parcelë droge u zbulua nga droni i policisë dhe inteligjenca informative ditën e djeshme. Dy persona janë vënë në kërkim nga policia e Librazhdit, për kultivimin e bimëve narkotike. Konkretisht Serxho Dosku, 35 vjeç dhe Klodian Dosku, 40 vjeç, të afërm mes tyre, dyshohet se do të kultivonin 580 fidanë kanabis, në një sipërfaqe toke të pyllëzuar.
Në fshatin Koshorisht të Librazhdit, fidanët e gjetur u asgjësuan me anë të djegies dhe një pjesë e tyre u sekuestrua në cilësinë e provës materiale. “Po vijojnë hetimet për identifikimin dhe kapjen e personave të shpallur në kërkim dhe të tjerëve që mund të jenë të përfshirë në këtë veprimtari kriminale”, njoftoi policia vendore për rastin.
