Partizani është gati për duelin ndaj Valmieras, skuadrës nga Letonia. Kampionët e Shqipërisë do të luajnë në transfertë ndeshjen e parë të raundit të tretë në Conference League.
Trajneri kroat i “Demave”, Zoran Zekic ka përzgjedhur titullarët e duelit që do të zhvillohet në stadiumin “Skonto stadions” të Rigës. Në portë Pano Qirko. Mbrojtja formohet nga kroati Mateo Kocijan dhe Eljon Sota në qendër. Dhe nga Leart Zekolli dhe David Atanaskoski në krahë.
Arinaldo Rrapaj, Valentino Murataj dhe Adnard Mehmeti në treshen e mesfushës. Gjelbrim Taipi disi më i avancuar në mbështetje të dyshes ofensive Tedi Cara dhe Christian Mba. /Supersport/
