Pas Maqedonisë së Veriut, edhe Mali i Zi nuk do të marrë pjesë në Eurovision 2023

Mali i Zi ka vendosur që  të mos marrë pjesë në këtë festival të Eurovision 2023 që këtë vit do të mbahet në Liverpool, Angli. Lajmi është bërë i ditur nga Shërbimi Publik i Malit të Zi.

“Pas shqyrtimit të resurseve në dispozicion, kostove të të gjithë projektit dhe detyrimeve që Shërbimi Publik pret në periudhën e ardhshme, është marrë vendimi që Mali i Zi të mos marrë pjesë në Eurovizion vitin e ardhshëm. Vendimi është marrë sepse vlerësuam se burimet ekzistuese duhet të drejtohen drejt financimit të projekteve kombëtare aktuale dhe të planifikuara dhe reformave organizative e programore,”- shkruan Shërbimi Publik i Malit të Zi.

Më herët edhe Maqedonia e Veriut njoftoi se vendi nuk do të marrë pjesë në Eurovision vitin e ardhshëm për të kursyer për faturat e energjisë elektrike.

“Vendimi është në interesin më të mirë të publikut, duke pasur parasysh kostot e shtuara për shkak të krizës energjetike, të cilat zënë një pjesë të madhe të buxhetit për shërbimet publike,”– thuhet në njoftim.

a.m/dita