Nga Aleksandra Bogdani
Qeveria shqiptare po përgatitet të shtetëzojë koncesionin e kontrollit mjekësor bazë në shtator, duke ia kaluar shërbimin një kompanie publike. Në 12 vjet, koncesioni i check up-it mori rreth 66 milionë euro nga taksapaguesit, një pjesë për analiza të pakryera.
Qeveria shqiptare po përgatitet që të marrë mbrapsht koncesionin kontrovers të kontrollit mjekësor bazë në shtator, pas më shumë se 12 vitesh operimi nga një kompani private.
Sipas vendimit të marrë më 30 korrik nga Këshilli i Ministrave, kontrolli mjekësor bazë, i njohur ndryshe si check -up, do të vazhdojë të ofrohet për shtetasit shqiptarë mbi 35 vjeç nga kompania e re publike e quajtur “Operatori i Shërbimeve të Integruara Shëndetësore”, së bashku me shërbimin e sterilizimit dhe atë të hemodializës.
Koncesioni i check up-it ishte kontrata e parë e partneritetit publik privat të qeverisë së kryesuar nga kryeministri Edi Rama, e cila u ka kushtuar taksapaguesve shqiptarë rreth 66 milionë euro në total.
Ajo u firmos në vitin 2014 me bashkimin e kompanive “Marketing & Distribution” në pronësinë e biznesmenes Vilma Nushi dhe Trimed, të cilat themeluan së bashku kompaninë koncesionare 3P Life Logistic.
Megjithatë, më vonë u zbulua se formula koncesionare mundësonte pagesa të majme për shërbime të pakryera. Sipas kontratës, Ministria e Shëndetësisë i pagoi kompanisë 3P Life Logistic 730 milionë lekë çdo vit [rreth 7.8 milionë euro] për kontrollin mjekësor bazë për një numër të garantuar prej 475 mijë qytetarësh.
Por numri i qytetarëve të interesuar për të kryer check up-in ishte vazhdimisht më i vogël sesa projeksionet e Ministrisë së Shëndetësisë. Sipas një raporti të Kontrollit të Lartë të Shtetit, vetëm në periudhën 2015-2021, kompania koncesionare përfitoi mbi 9.2 milionë euro për analiza të pakryera.
Kontrata për kontrollin mjekësor bazë ishte një nga katër koncesionet në sektorin e shëndetësisë së qeverisë “Rama”, të cilat u hetuan nga Prokuroria e Posaçme pas akuzave të ngritura për korrupsion.
Ky hetim nuk prodhoi rezultate, por në një çështje paralele për koncesionin e sterilizimit të pajisjeve kirurgjikale, SPAK ngriti akuzë për shpërdorim detyre ndaj ish-ministrit të Shëndetësisë, Ilir Beqaj.
Beqaj u arrestua më 4 korrik 2024 për abuzime me fondet e Bashkimit Europian gjatë kohës që drejtonte Agjencinë Shtetërore të Programimit Strategjik dhe Koordinimit të Ndihmës, SASPAC, ndërkohë që masa e tij u lehtësua në “arrest shtëpie” më 31 korrik të këtij viti. Për koncesionin e sterilizimit, Beqaj ndodhet aktualisht në proces gjyqësor.
Reporter
SPAK DUHET TE BEJE DETYREN,,,,, KETA HIENA NUK MUND TE PASUROHEN ME GJAKUN E POPULLIT TE VARFER AQ ME TEPER KUR VJEN PUNA TEK SHENDETSIA ,,,,KETU NJEREZIT VDESIN NGA PAMUNDESIA PER TU KURUAR,,,,,kjo eshte e patolerueshme,,,,,ne vitin 2026 ,,,,,,
Kolonel Hajro Limaj,,Tribun i interesave te Kombit shqiptar.Organizimi i Kuvendit Kombetar te Protestes pa Hajro Limaj eshte si Lidhja e Prizrenit pa Abdyl Frasherin..;
Të dh.efsha protestën e Hajro Limajn bashkë .
Mendoj se gazetaria duhet te na thosh nje se a duhet apo nuk duhet cek-upi?Marreveshja duhet te behej ne dobi te shendetit te popullit.Marrja e lekeve per pune te pa kryer eshte vjedhie dhe per vjedhien ka ligje dhe ndeshkime. Kush ka pervetesuar parate duhet ti kethej ato dhe per vepren e kryer te marre ndeshkimin sipas ligjit.Sa per ish ministrin Z.Beqai,i cili u mbajt ne paraburgim per me shume se dy vite mendoj se :SPAK-uka punuar jo korrekt ligjit por “me dyshime te arsyeshme”.Ne qoftese ka fakte te gjykohej dhe te ishte ndeshkuar per fajin e kryer.