Një ditë pasi kryetarja e Kuvendit, Lindita Nikolla përjashtoi nga seanca plenare kreun e PD-së, Sali Berisha, sot Kuvendi do të shqyrtojë për masë disiplinore edhe ndaj katër deputetëve të tjerë të grupit të Berishës.
Kjo pas kaosit të krijuar një ditë më parë në seancën plenare, ku opozita bllokoi foltoren dhe projektligjet u miratuan me shpejtësi nga mazhorannca në mes të zhurmës, së bërtiturave dhe goditjes së tavolinave.
Sekretariati për Procedurat, Votimet dhe Etikën mban këtë të premte mbledhjen për të shqyrtuar kërkesën e një grupi deputetësh të Partisë Socialiste për marrje mase disiplinore ndaj 5 deputetëve të PD.
Mazhoranca socialiste ka kërkuar masë disiplinore për këta deputetë:
Sali Berisha
Flamur Noka
Belind Këlliçi
Edmond Spaho
Edi Paloka
Seanca degradoi të enjten në kaos pasi opozita kërkoi që kryeministri Edi Rama të ishte i pranishëm për të dhënë llogari për akuzat ndaj tij për lidhjet me ish zyrtarin e arrestuar të FBI-së.
j.l./ dita
