Mansoureh Khojasteh, gruaja e udhëheqësit iranian Ali Khamenei, i vrarë të shtunën gjatë sulmeve amerikane dhe izraelite, ka vdekur pas tre ditësh në koma.
Sipas Iran International, 78-vjeçarja Khojasteh mbeti e plagosur, ndërsa Khamenei vdiq menjëherë.
Që nga fillimi i sulmeve ajrore kundër Iranit nga Shtetet e Bashkuara dhe Izraeli, 555 persona janë vrarë në mbarë Iranin, sipas shoqatës humanitare GjysmëHëna e Kuqe iraniane.
Ndërsa një zyrtar i Tel Avivit shpjegon se operacioni kundër Iranit “po ecën më shpejt se sa pritej, për Teheranin së shpejti do të jetë fundi i lojës”, presidenti Donald Trump numëron objektivat e goditura (“qindra” sipas presidentit amerikan, dy mijë sipas New York Times).
Kreu i Shtëpisë së Bardhë thotë se operacioni amerikan kundër Iranit do të zgjasë “katër javë ose më pak”.
Kundërsulm më të ashpër premtoi Trump ndaj Teheranit pasi 3 ushtarakë amerikanë u vrarë deri në mëngjesin e së dielës që lamë pas gjatë Operacionit “Epic Fury”, ndërsa pesë të tjerë ndodhen në gjendje.
Edhe Izraeli është nën sulm. Pasi një raketë iraniane goditi dje një pallat banimi, duke vrarë nëntë persona, në veri të vendit u dëgjuan sirenat për një sulm me raketa që vinte nga Libani, nga Hezbollahu.
Irani pretendon se ka goditur edhe zyrën e Benjamin Netanyahu, por nuk ka konfirmim zyrtar nga Izraeli për këtë sulm.
j.l./ dita
Efekte anesore do kete,por koka e gjarperit islamik u pre me kosore.